گوگل نیوز پر ہمیں فالو کریںکراچی: پاکستانی شوبز انڈسٹری کی معروف ڈرامہ نگار اسماء نبیل کینسر کے موذی مرض سے لڑتے ہوئے وفات پا گئی ہیں۔ان کی عمر 40 برس تھی۔
تفصیلات کے مطابق ڈرامہ نگار اور مصنفہ اسماء نبیل نے باندھی اور خانی کیلئے ڈرامہ نگار اور فلم مان جاؤ نا کیلئے رائٹر کی حیثیت سے اسکرپٹ لکھے جنہیں عوام کی بڑی تعداد نے بے حد پسند کیا۔
قبل ازیں 20 برس تک اسماء نبیل ایڈورٹائزنگ کے شعبے سے بھی وابستہ رہیں جو بریسٹ کینسر کے موذی مرض میں مبتلا تھیں اور عوام میں کینسر کے متعلق آگہی کو فروغ دیتی رہیں۔
ڈرامہ سیریل سرخ چاندنی سمیت مختلف ڈراموں میں اسماء نبیل کے تحریر کیے گئے اسکرپٹ کو بے حد پذیرائی ملی اور ان کا نام خاص طور پر ڈرامہ نگاری کے میدان میں بے حد مقبول ہوا۔
سن 2018 میں ڈرامہ نگار اسماء نبیل نے احسن رضا فردوسی کے ہمراہ فلم مان جاؤ نا کی کہانی لکھی۔ ان کے ڈراموں اور فلموں میں معاشرتی مسائل کو اجاگر کیا جاتا تھا۔
اگلے برس اسماء نبیل نے بچوں کے اغوا سے متعلق ڈرامہ سیریل دمسہ لکھا۔ سرخ چاندنی میں تیزاب گردی کے واقعات پر روشنی ڈالی گئی جس میں سوہائی علی ابڑو نے اداکاری کے جوہر دکھائے۔
اسی طرح ڈرامہ سیریل باندھی میں پاکستان میں خاتون ملازماؤں کے ساتھ کیے جانے والے ناروا سلوک کو اجاگر کیا گیا۔ اسماء نبیل ایک پروڈکشن ہاؤس کی چیف ایگزیکٹو آفیسر بھی تھیں۔
بالی ووڈ کی فلم ہیلی کاپٹر ایلا میں ایک شاعرہ کی حیثیت سے اسماء نبیل نے گانے کے بول بھی لکھے، جبکہ فلم میں اداکارہ کاجول نے اہم کردار ادا کیا۔
انہوں نے پولیو سے آگہی کی مہم چلائی اور بریسٹ کینسر کے خلاف شعور اجاگر کرنے پر بھی بہت کام کیا۔ سوشل میڈیا پر بہت سی شخصیات نے ان کے انتقال پر افسوس کا اظہار کیا ہے۔
I cant believe this ….you went too soon asma !!!! Allah Darjaat buland kare …Aameeen pic.twitter.com/IjxxrTsD4v
— Fahad Mustafa (@fahadmustafa26) July 1, 2021
The saddest news ever. Asma Nabeel has passed away.
I hope at such a moment amidst prayers for the departed, we remember how short life is.
She was a wonderfully positive person and I’m so proud to have worked in a serial written by her.
Thank you #asmanabeel— Mansha Pasha (@manshapasha) July 1, 2021
Another terrible news to wake up to. Veteran writer Asma Nabeel lost her battle to cancer today. Asma was a brave, strong woman and very very talented. I’m gutted, we’ve lost a pure and beautiful soul.
Rest in power, Asma. You’ll be missed. ???? pic.twitter.com/Kyew5eq1Te
— Mahwash Ajaz ???????? (@mahwashajaz_) July 2, 2021
After Anwar Iqbal sb’s demise got another shock to know #AsmaNabeel a great screenwriter & poet is no more. Met her for the first time on my show, and while she spoke about her fight with cancer was amazed at her courage. Not everyone has as attractive a personality as hers???? pic.twitter.com/Un7Ls0N2Gc
— Shiffa Z. Yousafzai (@Shiffa_ZY) July 1, 2021
#AsmaNabeel, you #warrior! Gone too soon…we were to witness your exceptionally written dramas many times over. May Allah grant you Jannah ul Firdous. Ameen ???????? pic.twitter.com/BwbrnJt90z
— Adnan Siddiqui (@adnanactor) July 1, 2021
A very very sad news… she was not just a friend but one of the most creative people in the country. I still remember her expressions when I asked her about that song in Helicopter Eela and she smiled that yes, I wrote it! You will be missed #Asmanabeel … gone too soon! pic.twitter.com/VnG89E1bgL
— Omair Alavi عمیر علوی (@omair78) July 1, 2021
یاد رہے کہ اِس سے قبل پاکستان ٹیلی ویژن انڈسٹری کے سینئر اداکار انور اقبال بلوچ 71 برس کی عمر میں کینسر کے باعث طویل علالت کے بعد انتقال کرگئے۔
انور اقبال بلوچ کے اہل خانہ نے گزشتہ روز انور اقبال بلوچ کی موت کی تصدیق کرتے ہوئے بتایا کہ ان کی نمازہ جنازہ جمعے کے روز بعد نماز عشاء بیت المکرم مسجد، حسن اسکوائر کراچی میں ادا کی جائے گی۔
مزید پڑھیں: سینئر اداکار انور اقبال بلوچ طویل علالت کے بعد انتقال کرگئے
قبل ازیں پاکستانی شوبز انڈسٹری کی معروف اداکارہ بیگم خورشید شاہد دل کی بیماری میں مبتلا ہونے کے باعث 95برس کی عمر میں انتقال کر گئی تھیں۔
ریڈیو پاکستان میں صداکاری اور ٹی وی پر اداکاری کے جوہر دکھانے والی فنکارہ بیگم خورشید شاہد کو عارضۂ قلب لاحق ہونے کے باعث ہسپتال داخل کرایا گیا تھا۔
مزید پڑھیں: معروف اداکارہ بیگم خورشید شاہد 95 برس کی عمر میں انتقال کرگئیں
