گوگل نیوز پر ہمیں فالو کریںدبئی: ایشیا کپ ٹی ٹوئنٹی ٹورنامنٹ کے گروپ بی کے میچ میں افغانستان نے بنگلہ دیش کو 7وکٹوں سے شکست دیکر سپر فور مرحلے کے لیے کوالیفائی کرلیا۔
بنگلہ دیش نے افغانستان کو 128رنز دیا تھا، جسے افغانستان کی ٹیم نے 19 ویں اوور میں 3 وکٹوں کے نقصان پر پورا کیا،نجیب اللہ زادران نے 6 چھکوں کی مدد سے17 گیندوں پر 43 رنز کی بہترین اننگ کھیلی۔
بنگلادیش کے کپتان شکیب الحسن نے ٹاس جیت کر پہلے بلے بازی کا فیصلہ کیا، مقررہ 20 اوورز میں 7 وکٹوں کے نقصان پر 127 رنز بنائے، مصدق حسین نے ناقابل شکست 48 رنز اسکور کیے۔
راشد خان اور مجیب الرحمان نے افغانستان کی جانب سے 3،3 وکٹیں حاصل کیں۔128 رنز کے ہدف کے تعاقب میں افغانستان ٹیم کا آغاز اتنا مایوس کن رہا، اوپنر رحمان اللہ 11 رنز بناکر پویلین لوٹ گئے۔
افغانستان کی دوسری وکٹ 45 رنز کے مجموعی اسکور پر گری، جب حضرت اللہ ززئی 23 رنز بناکر آؤٹ ہوئے،اس کے علاوہ کپتان محمد نبی 8 رنز بناسکے۔
مزید پڑھیں:پی سی بی کی جانب سے پاکستان جونیئر لیگ کی ٹیموں کے ناموں کا اعلان
