گوگل نیوز پر ہمیں فالو کریںنئی دہلی: بھارتی کرکٹرز روی چندر اشون نے پاکستانی کرکٹرز کی کھل کر تعریف کر کے پاکستانیوں کے دل جیت لیے۔
بھارتی کرکٹر سے حال ہی میں ایک سوال و جواب کے سیشن میں پاکستان کرکٹ ٹیم میں پسندیدہ کھلاڑیوں کے حوالے سے پوچھا گیا جس کا انہوں نے تفصیلی جواب دیا۔
اشون نے کہا کہ پاکستان میں کرکٹ کے بے پناہ ٹیلنٹ موجود ہے، انہوں نے انکشاف کیا کہ میں کافی عرصے سے وکٹ کیپر بیٹر محمد رضوان کو فالو کررہا ہوں اور بلاشبہ وہ ایک شاندار کھلاڑی ہیں اور اپنی ہر نئی اننگ میں بہترین فارم میں ہوتے ہیں۔
پاکستان کے فیورٹ کھلاڑیوں کی بات ہو اور ورلڈ نمبر ون بابر اعظم کا تذکرہ نہ ہو ایسا تو ممکن ہی نہیں، لہذا بھارتی کرکٹر نے بھی محمد رضوان کی تعریف کے بعد فوری طور پر بابر اعظم کا نام لیا اور ان کی بلے بازی کی صلاحیتوں کو سراہا۔
بعد ازاں انہوں نے پاکستان میں باصلاحیت نوجوان کرکٹرز کی موجودگی کا اعتراف کرتے ہوئے شاہین شاہ کو حقیقی ٹیلنٹ قرار دیا۔
مزید پڑھیں: کورونا ون ڈے سیریز نگل گیا، ویسٹ انڈیز کے کھلاڑی وطن واپس روانہ
