گوگل نیوز پر ہمیں فالو کریںاسلام آباد: وفاقی وزیرِ منصوبہ بندی و ترقی اسد عمر نے کہا ہے کہ وقت آگیا ہے کہ عالمی برادری افغانستان کا ساتھ دینے کیلئے کردار ادا کرے جبکہ دنیا کو ماضی کی غلطیاں دہرانی نہیں چاہئیں۔
سماجی رابطے کی ویب سائٹ ٹوئٹر پر اپنے پیغام میں وزیرِ منصوبہ بندی اسد عمر نے کہا کہ دنیا کو وہ غلطی دہرانی نہیں چاہئے جو سابق سوویت یونین (روس) کے انخلاء کے بعد کی گئی۔افغانستان کو اقوامِ عالم میں اکیلا نہ کیا جائے۔
وفاقی وزیر اسد عمر نے کہا کہ وقت آگیا ہے کہ دنیا افغانستان کا ساتھ دینے کیلئے اپنا کردار ادا کرے۔ جو پیسہ افغان جنگ پر لگایا گیا، اس کا چھوٹا سا حصہ بحالی کے کام اور عوام کی امداد کیلئے صرف کرنے کی ضرورت ہے۔
انہوں نے کہا کہ عالمی برادری کو افغانستان کو تنہا نہیں چھوڑنا چاہئے۔ جنگ میں لگائی گئی رقم کا معمولی حصہ بھی ایمانداری سے ترقیاتی کاموں پر خرچ کرنے سے عالمی سطح پر سلامتی کی صورتحال میں بہتری آئے گی۔
The world must not repeat the mistake it made after the soviet withdrawal . This is the time for the global community to engage and not isolate Afghanistan. A fraction of the money spent on the war in Afghanistan, spent honestly on development can enhance global security.
— Asad Umar (@Asad_Umar) August 28, 2021
خیال رہے کہ اِس سے قبل وزیرِ منصوبہ بندی و سربراہ نیشنل کمانڈ اینڈ آپریشن سینٹراسد عمر نے کہا کہ ہم نے ایک دن میں 10 لاکھ ویکسین لگانے کا ہدف حاصل کر لیا ہے۔
ٹوئٹر پر 3 اگست کو اپنے پیغام میں اسد عمر نے کہا کہ کل 10لاکھ 72 ہزار لوگوں کوویکسین لگائی گئی،انہوں نے اس سنگ میل کو حاصل کرنے کے لیے تمام اداروں کی کارکردگی کو سراہا۔
مزید پڑھیں: ایک دن میں دس لاکھ ویکسین لگانے کا ہدف حاصل کرلیا،اسد عمر
