آرمی چیف کی جانب سے دوسروں کی جان بچانے والے ٹینکر ڈرائیور کیلئے انعام

اسلام آباد: آرمی چیف جنرل قمر جاوید باجوہ کی جانب سے دوسروں کی جان بچانے کے عمل کا اعتراف کرتے ہوئے جلتے ہوئے آئل ٹینکر کو آبادی سے دور لے جانے والے ڈرائیور فیصل بلوچ کو انعام سے نوازا گیا۔

آئی ایس پی آر کا اس حوالے سے کہنا ہے کہ جرات کی بے لوث مثال قائم کرنے کے اعتراف میں ڈرائیور فیصل بلوچ کو کور ہیڈکوارٹر کوئٹہ مدعو کیا گیا جہاں سپہ سالار کی خصوصی ہدایات پر ڈرائیور فیصل بلوچ کو نقد انعام سے نوازا گیا۔

مزید پڑھیں:لوگوں کی خاطر اپنی زندگی خطرے میں ڈالنے پر ڈرائیور کو انعام سے نوازا گیا

فیصل بلوچ جلتا آئل ٹینکر 3 کلومیٹر تک چلا کر آبادی سے دور لے گیا تھا تاکہ آبادی محفوظ رہے۔ ڈرائیور فیصل بلوچ نے 7 جون کو کوئٹہ میں اپنی جان پر کھیل کئی قیمتی جانیں بچائیں۔