آرمی چیف کا نقیب اللہ محسود کے والد کے انتقال پراظہار افسوس

آرمی چیف جنرل قمر جاوید باجوہ نے نقیب اللّٰہ محسود کے والد محمد خان کےانتقال پر افسوس کا اظہار کیا ہے۔

ڈی جی آئی ایس پی آر کے ٹویٹ میں کہا گیا ہے کہ آرمی چیف نے نقیب اللہ محسود کے والد محمد خان کے انتقال پر افسوس کا اظہار کرتے ہوئے کہا کہ اللہ پاک مرحوم کے درجات بلند کرے اور جنت میں جگہ عطا فرمائے، آمین،آرمی چیف جنرل قمر جاوید باجوہ نے واشگاف الفاظ میں کہا کہ نقیب اللہ محسود کے والد سے انصاف کی فراہمی کا وعدہ پورا ہوگا۔

COAS expresses heartfelt grief on demise of Muhammad Khan father of Naqeebullah Mehsud.
“May Allah bless the departed soul eternal peace at Heaven, Amen. Efforts to ensure provision of justice as promised to him shall be pursued”, COAS.

— DG ISPR (@OfficialDGISPR) December 2, 2019

واضح رہے کہ مبینہ پولیس مقابلے میں جاں بحق ہونے والے نقیب اللہ محسود کے والد وفات ہا گئے نقیب اللہ محسود کے والد محمد خان کئی ماہ سے کینسر کے مرض میں مبتلا تھے۔وہ راولپنڈی کے مقامی اسپتال میں زیر علاج تھے ۔

مزید پڑھیں:نقیب اللہ محسود کے والد محمد خان محسود راولپنڈی میں علالت کے باعث انتقال کرگئے

محمد خان محسودکی میت کو اُن کےآبائی علاقے وزیرستان منتقل کر دیا گیا ہے اور نماز جنازہ منگل کی صبح دس بجے ادا کی جائے گی۔محمد خان محسود اپنےبےگناہ بیٹے نقیب اللہ کےقتل کاانصاف مانگتے مانگتے دنیا سے رخصت ہوئے۔

نقیب اللہ محسود کا قتل 13 جنوری 2017ء کو شہر قائد کراچی میں پولیس افسر راؤ انوار کے پولیس انکاؤنٹر کی وجہ سے ہوا،نقیب اللہ محسود پر الزام عائد کیا گیا تھا کہ اس کے کالعدم تنظیموں سے تعلقات ہیں۔

نقیب اللہ کے ماورائے عدالت قتل کے خلاف بڑے پیمانے پر احتجاج کیا گیا تھا،نقیب اللہ کی دو بیٹیاں اور ایک بیٹا تھا۔ 24 جنوری 2019ء کو پاکستان کی انسداد دہشت گردی عدالت نے نقیب اللہ اور تین دوسرے افراد کو معصوم قرار دیاتھا۔