گوگل نیوز پر ہمیں فالو کریںکراچی: پاکستانی فلم اور ٹی وی ایکٹریس ارمینا خان نے اپنے منگیتر فیصل خان سے شادی کا اعلان کردیا ہے۔ انہوں نے ویڈنگ کلب سے نمونے کے طور پر ایک شادی کا جوڑا بھی خریدا اور پہن کر اس کی تصویر بھی شیئر کی۔
تصویریں شیئر کرنے کی سوشل میڈیا ایپ انسٹا گرام پر ارمینا خان نے بتایا کہ شادی کا جوڑا پہننے کا مقصد مداحوں سے اپنی خوشی کے اظہار کے سوا کچھ نہیں۔
انہوں نے اپنے ڈیزائنر کا شکریہ ادا کرتے ہوئے فیصل خان سے بھی بات کی اور کہا کہ وہ تمام لوگ جو ہمارے لیے خوش ہیں، خدا آپ سب کو بھی ہماری طرح خوشیاں عطا فرمائے۔
ارمینا خان نے کہا کہ جو لوگ ہم سے نفرت کرتے ہیں، ان کا بھی اس تاکید کے ساتھ شکریہ کہ ہمارے خلاف بات چیت جاری رکھیں۔اس سے مجھے مزید بہتر کام کرنے میں مدد ملتی ہے۔
یاد رہے کہ ارمینا خان ٹی وی ڈرامہ محبت اب نہیں ہوگی کے علاوہ بن روئے اور جانان جیسی فلموں میں بھی کام کرچکی ہیں اور مداحوں سے داد وصول کرچکی ہیں۔
مزیدپڑھیئے: امریکی کمپنی ڈِزنی شرارتی بچے کی کہانی ہوم اَلون کا ری میک بنائے گی
