گوگل نیوز پر ہمیں فالو کریںپاکستانی شوبز انڈسٹری کے معروف گلوکار شہزاد رائے نے گھریلو سازوسامان کو آلاتِ موسیقی کے طور پر استعمال کرنے والے پاکستانی بچوں کی ویڈیو وائرل ہونے کے بعد انہیں ڈھونڈ نکالا جس کے بعد انہیں بھارتی قرار دینے والے بالی ووڈ اداکار انوپم کھیر نے اپنی غلطی تسلیم کر لی ہے۔
سماجی رابطے کی ویب سائٹ ٹؤئٹر پر اپنے پیغام میں گلوکار شہزاد رائے نے ویڈیو وائرل ہونے پر ردِ عمل دیتے ہوئے کہا کہ کیا کوئی مجھے بتا سکتا ہے کہ یہ بچے کہاں ہیں؟ میں انہیں موسیقی کیلئے درکار تمام آلات فراہم کروں گا۔
Please somebody tell me where are these kids and I’ll give them all the instruments they need 🙏 pic.twitter.com/e4Tq24KFMR
— Shehzad Roy (@ShehzadRoy) August 11, 2021
دوسری جانب اسی ویڈیو کے حوالے سے بالی ووڈ کی 200 سے زائد فلموں میں اداکاری کے جوہر دکھانے والے انوپم کھیر کا کہنا تھا کہ بھارت کے ایک گاؤں میں بسنے والے بچوں نے مل جل کر اپنا بینڈ بنا لیا ہے جس کے پاس جدید سازوسامان نہیں۔
بالی ووڈ کے سینئر اداکار انوپم کھیر نے مزید کہا کہ بچوں نے فوجی بینڈ کی بہت خوب دھن پسند کی ہے کیونکہ وہ جانتے ہیں کہ اصل طاقت انسان کے دل میں ہوتی ہے۔ ان بچوں کے فن کی داد دیتا ہوں، مجھے بتایا جائے کہ وہ کہاں ہیں؟
भारत के किसी गाँव में कुछ बच्चो ने मिलकर अपना एक बैंड तैयार किया है।इस बैंड के पास कोई आधुनिक साज़ो सामान नहीं है।और इन्होंने धुन भी क्या चुनी है! मिलिट्री बैंड की।क्योंकि ये जानते हैं कि “असली पावर दिल में होती है!!” इन बच्चों की जय हो।किधर हैं ये बच्चे? 😍😎🇮🇳 @Bengaluruhudugi pic.twitter.com/e6TjweFRwJ
— Anupam Kher (@AnupamPKher) August 18, 2021
انوپم کھیر کے پیغام کا جواب دیتے ہوئے شہزاد رائے نے کہا کہ جو ویڈیو میں کچھ روز قبل سامنے لایا، اسے شیئر کرنے پر آپ کا شکر گزار ہوں، آپ کہتے ہیں کہ ان بچوں کا تعلق بھارت سے ہے لیکن ایک چھوٹی سی درستگی یہ کرلیجئے کہ بچے پاکستانی ہیں۔
گلوکار شہزاد رائے نے مزید کہا کہ درحقیقت ویڈیو میں نظر آنے والے بچوں کا تعلق پاکستان کے علاقے ہنزہ سے ہے جن سے میں رابطے میں ہوں اور میں نے ان بچوں کو وہ تمام موسیقی کے آلات بھجوا دئیے ہیں جن کی انہیں ضرورت تھی۔
اس پر انوپم کھیر نے اپنی غلطی تسلیم کرتے ہوئے کہا کہ مجھے بچوں کی ویڈیو بے حد پسند آئی۔ شہزاد رائے بچوں کیلئے اٹھائے جانے والے بہترین اقدامات جاری رکھیں، میری محبت اور نیک تمنائیں ہمیشہ آپ کے ساتھ رہیں گی۔
آخر میں شہزاد رائے نے غلطی تسلیم کرنے پر انوپم کھیر کا شکریہ ادا کرتے ہوئے کہا کہ میں بالی ووڈ فلموں میں آپ کی اداکاری کو بے حد پسند کرنے والا آپ کا مداح ہوں۔ وائرل کی گئی ویڈیو میں نظر آنے والے بچوں کے متعلق آپ کو بتاتا رہوں گا۔
Sir @AnupamPKher Thank you. I am your fan and love the work you do. I will keep you updated about these lovely group of kids and their music. https://t.co/wOKh6O40Dj
— Shehzad Roy (@ShehzadRoy) August 27, 2021
یہ بھی پڑھیں: پری زاد میں مرکزی کردار، احمد علی اکبر پہلا انتخاب نہیں تھے۔ڈرامہ نگار
