اقوامِ متحدہ کے سیکرٹری جنرل کا سیلاب زدہ علاقوں کا دورہ، تباہی کو ناقابل تصور قرار دیدیا

سکھر: اقوامِ متحدہ کے سیکرٹری جنرل انتونیو گوتریس نے وزیراعظم شہباز شریف کے ہمراہ سندھ کے سیلاب سے متاثرہ علاقوں کا دورہ کیا۔

تفصیلات کے مطابق وزیرِاعظم شہباز شریف اور اقوامِ متحدہ کے سیکرٹری جنرل انتونیو گوتریس نے سندھ کے سیلاب سے متاثرہ علاقوں کا دورہ کیا۔

جس دوران انہوں نے سیلاب متاثرین سے ملاقات کی اور نقصانات وامدادی کارروائیوں کا جائزہ لیا۔ سکھر ایئر پورٹ پر وزیرِ اعلی سندھ نے انہیں تفصیلی بریفنگ دی۔

Secretary-General @antonioguterres arrives in Sindh province, #Pakistan, where he will meet people impacted by the devastating floods. pic.twitter.com/r5kS3EukRY

— UN Spokesperson (@UN_Spokesperson) September 10, 2022

شہباز شریف اور سیکرٹری جنرل اقوامِ متحدہ سکھر سے ضلع جعفر آباد کی تحصیل اوستہ محمد پہنچے جہاں سیلاب متاثرین سے ملاقات کی۔

یہ بھی پڑھیں:

عدالت نے خواجہ آصف کیخلاف ہرجانہ کیس میں التوا مانگنے پر عمران خان پر جرمانہ عائد کردیا

دورانِ پرواز وزیرِاعظم اور سیکٹری جنرل نے سیلاب متاثرہ علاقوں کا فضائی معائنہ بھی کیا۔

سیکرٹری جنرل اقوامِ متحدہ انتونیو گوتریس نے سیلاب سے تباہی کو تصور سے باہر قرار دے دیا۔