اقوامِ متحدہ کے جنرل سیکریٹری انتونیو گوتریس شاندار دورے پر پاکستان کے شکر گزار

اقوامِ متحدہ کے جنرل سیکریٹری  انتونیو گوتریس کا دورۂ پاکستان یادگار رہا جس پر وہ پاکستانی عوام کے شکر گزار ہیں جس کا اظہار انہوں نے اپنے خصوصی  پیغام میں کیا۔

سماجی رابطے کی ویب سائٹ ٹوئٹر پر اپنے پیغام میں اقوامِ متحدہ کے جنرل سیکریٹری انتونیو گوتریس نے کہا کہ میں نے پاکستان کا بہترین دورہ کیا جس کے دوران خوبصورت تاریخ کے حامل ملک کی سیر کی۔

عالمی ادارے کے جنرل سیکریٹری نے کہا کہ لاہور کی ثقافت شاندار ہے۔ لاہور کے قلعے سے لے کر بادشاہی مسجد تک تمام دورہ یادگار رہا جس پر پاکستانی عوام کا شکریہ ادا کرتا ہوں۔ 

I concluded my visit to Pakistan after enjoying the rich history and vibrant culture of Lahore – from the Lahore Fort, a @UNESCO World Heritage Site, to the majestic Badshahi mosque.

Thank you to the people of Pakistan for a wonderful visit! pic.twitter.com/XSPDhKb77U

— António Guterres (@antonioguterres) February 19, 2020

جنرل سیکریٹری انتونیو گوتریس نے پاکستان کے شاندار دورے کے بعد گزشتہ روز رختِ سفر باندھ لیا جس کے بعد ان کا ٹوئٹر پیغام آج صبح کے وقت منظرِ عام پر آیا ہے۔

واضح رہے کہ اقوامِ متحدہ کے جنرل سیکریٹری افغان پناہ گزین کانفرنس میں شرکت کے لیے پاکستان آئے جس کے بعد انہوں نے وزیر اعظم عمران خان اور صدرِ مملکت سمیت پاکستان کی اعلیٰ قیادت سے اہم ملاقاتیں کیں۔

انتونیو گوتریس نے افغان پناہ گزین کانفرنس کے دوران افغان مہاجرین کے لیے پاکستان کی مہمان نوازی اور عالمی سطح پر خدمات کو سراہا جسے اہلِ پاکستان قدر کی نگاہ سے دیکھتے ہیں۔