گوگل نیوز پر ہمیں فالو کریںحکومت کی جانب سے پاسپورٹ کی فیس اور دیگر معاملات کیلئے گھنٹوں لائنوں میں کا جھنجھٹ ختم کردیا گیا ہے۔
وزیر داخلہ رانا ثناء اللہ نے اعلان کیا ہے کہ شہریوں کے لیے وزیر اعظم کی سہولت کاری مہم کے تحت آن لائن پاسپورٹ فیس کے لیے وزارت داخلہ کی ایپلی کیشن ”پاسپورٹ فیس آسان]1“ مکمل طور پر فعال ہو چکی ہے اور اب ہر کسی کے استعمال کے لیے دستیاب ہے۔
وزیر داخلہ نے خوشی کا اظہار کرتے ہوئے بتایا کہ شہری اس ایپ کو آئی او ایس، اینڈرائیڈ اور ویب پر بھی استعمال کر سکیں گے۔
As a part of the PM’s facilitation drive for the citizens, I’m pleased to announce that the Ministry of Interior’s app for online passport fees has been fully activated and is now available for everyone to use. The citizens will be able to use the app on iOS, Android, and web.
— Rana SanaUllah Khan (@RanaSanaullahPK) November 2, 2022
پاسپورٹ فیس آسان کیا ہے؟
”پاسپورٹ فیس آسان“ پاکستانی عوام کی سہولت کے لیے ڈائریکٹوریٹ جنرل امیگریشن اینڈ پاسپورٹ، وزارت داخلہ اور حکومت پاکستان کی طرف سے ایک ڈیجیٹل اقدام ہے جو صارفین کو پاسپورٹ فیس کے حساب کتاب اور ادائیگی کے عمل میں مدد کرے گی۔
ای پیمنٹ
صارفین اپنی ضروریات کے مطابق مناسب آپشنز کا انتخاب کرنے اور ادائیگی کا چالان (PSID) تیار کرنے کے لیے ایک سادہ اور آسان طریقے سے پاسپورٹ فیس کا حساب لگا سکتا ہے۔
اس ”PSID“ کی ادائیگی اے ٹی ایم، انٹرنیٹ بینکنگ یا ون لنک ممبر بینک کی شاخوں کے ذریعے کی جا سکتی ہے۔
شکایت کا حل
صارفین اس ایپ سے ادائیگی کے عمل کے بارے میں شکایات درج کرا سکتے ہیں اور ان کا حل تلاش کر سکتے ہیں۔
اسٹیٹس چیک
صارفین چند کلکس اور ٹیپس کے ذریعے ادائیگی یا شکایت کااسٹیٹس بھی معلوم کرسکتے ہیں۔
