کراچی: ایڈیشنل آئی جی کراچی جاوید عالم اوڈھو نے نارتھ کراچی میں 5 ڈکیتوں کو پولیس مقابلے میں ہلاک کرنے والی پولیس پارٹی کیلئے 5 لاکھ کی انعامی رقم کا اعلان کیا ہے۔
واضح رہے کہ مورخہ 16 اگست 2023 کو نارتھ کراچی میں گھر میں ڈکیتی واردات کی اطلاع ملنے پر پولیس کی بروقت کارروائی پر پولیس مقابلے کے دوران گھر میں موجود 5 ڈاکو مارے گئے جبکہ ان کے دو ساتھی فرار ہونے میں کامیاب ہوگئے۔
کراچی پولیس چیف نے سرسید تھانہ پولیس پارٹی کی بہترین پیشہ ورانہ کارکردگی کو سراہتے ہوئے شاباشی دی جبکہ تعریفی اسناد اور 5 لاکھ کیش انعام کا اعلان بھی کیا۔
اسلام آباد میں ایک اور کمسن ملازمہ پر مالکن کا تشدد، مقدمہ درج
کراچی پولیس جرائم پر قابو پانے کیلئے تمام وسائل کو بروئے کار لانے میں مصروف عمل ہے تاکہ جرائم پیشہ عناصر کو قانون کی گرفت میں لایا جاسکے۔