انجلینا جولی اور کائلی جینر کا کورونا متاثرین کیلئے ایک ایک ملین ڈالر کا عطیہ

لاس اینجلس: ہالی ووڈ کی معروف اداکارہ انجلینا جولی اور کائلی جینر نے کورونا وائرس وبائی مرض کے حوالے سے امدادی کاموں میں مدد کے لئے ایک ایک ملین ڈالر کا عطیہ کیا ہے۔

انجلینا جولی ہنگری کی تنظیم سے تعاون کررہی ہے تاکہ کورونا وبائ کے دوران پسماندہ علاقے میں کوئی بھوک سے نہ مرے جبکہ کائلی جینر نے ضروری سامان خریدنے کے لئے لاس اینجلس ایریا کے اسپتالوں کو یہ عطیہ کیا۔

کورونا وائرس سے بندش کی وجہ سے دنیا بھر میں ایک ارب سے زیادہ بچے اسکول سے باہر ہیں۔

بہت سارے بچے اسکول کے اوقات میں ان کی دیکھ بھال اور غذائیت پر انحصار کرتے ہیں جن میں امریکہ میں تقریبا 22 ملین بچے شامل ہیں جو کھانے کی امداد پر انحصار کرتے ہیں۔

مزید پڑھیں:باکسر عامر خان کی کورونا وائرس کے مریضوں کے علاج کیلئے اپنی بلڈنگ دینے کی پیشکش

کائلی جینر جو کاسمیٹک کمپنی کائلی کاسمیٹکس کی مالک ہیں انہوں نے چندہ دینے کا اعلان انسٹاگرام پر کیا تھا۔

اس سے قبل گلوکارہ ریحانہ ، ایکشن اسٹار آرنلڈ شوارزینگر ، ہالی ووڈ کے جوڑے ریان رینالڈ اور بلیک لیوالی ، اور گلوکارہ شان مینڈس نے بھی خیراتی اداروں سے تعاون کا اعلان کیا تھا۔