اے این ایف کی اسلام آباد انٹرنیشنل ایئرپورٹ پر کارروائی، بھاری مالیت کی منشیات برآمد

راولپنڈی: اینٹی نارکوٹکس فورس (اے این ایف) نے اسلام آباد انٹرنیشنل ایئرپورٹ پر کارروائی کرتے ہوئے بھاری مالیت کی منشیات برآمد کی ہیں۔

تفصیلات کے مطابق اے این ایف نے اسلام آباد انٹرنیشنل ایئرپورٹ پر کارروائی کرتے ہوئے جہاز سے نکالے کچر ے سے کوکین والے ٹراؤزر برآمد کیے ہیں۔

اے این ایف کے مطابق ٹراؤزر میں سے پونے دوکلو کوکین برآمد ہوئی ہےجسے ٹراؤزر میں انتہائی مہارت سے سلائی کرکے چھپایا گیا تھا۔

یہ بھی پڑھیں:

کراچی میں ایم کیو ایم کے سابق مرکز نائن زیرو میں آتشزدگی

مزید برآں واقعے کے حوالے سے مکمل تحقیقات کیلئے نامعلوم ملزمان کیخلاف انسدادِ منشیات ایکٹ کے تحت مقدمہ درج کر لیا گیاہے۔

دوسری جانب عدالت نے جنسی زیادتی کیس کے ملزم کی عبوری ضمانت کی درخواست مسترد کردی، درخواست خارج ہونے پر ملزم عدالت سے فرار ہوگیا جس کی تلاش جاری ہے۔

ملزم منیب عاصم نے یتیم لڑکی سے زیادتی کی۔ ملزم کے وکیل کا دلائل دیتے ہوئے کہنا تھا کہ درج کیا گیا مقدمہ جھوٹا ہے، عدالت میرے مؤکل کی ضمانت منظور کرے تاہم استغاثہ کے وکیل نے واضح کیا کہ ملزم کا ڈی این اے نہیں ہوا۔