گوگل نیوز پر ہمیں فالو کریںسوات میں ایک انگریز خاتون اور سڑک کے کنارے پھل بیچنے والے انگریزی سے نابلد مقامی شہری کے درمیان دلچسپ سودے بازی کی ویڈیو وائرل ہورہی ہے۔
سوشل میڈیا ویب سائٹ ٹویٹر پر ایک ویڈیو شیئر کی گئی جس میں دیکھا جاسکتا ہے کہ سوات گھومنے آئی انگریز خاتون ٹوٹی پھوٹی اردو میں پھل خریدنے کی کوشش کررہی ہیں اور سادہ لوح پھل فروش بھی اس کے سوالات کو سمجھنے کی پوری کوشش کررہا ہے۔
خاتون پھل کے ایک کارٹن کی طرف اشارہ کرکے پوچھتی ہیں کہ یہ کتنا ہے جس کا جواب وہ 7 کلو بتاتے ہیں تاہم خاتون کو لگتا ہے کہ پھل فروش قیمت بتارہا ہے۔ پٹھان بھائی پھر خاتون کو تعلیم بھی دیتے ہوئے دکھائی دیتے ہیں اور بتاتے ہیں کہ ایک کلو یعنی ہزار گرام مگر اب بھی خاتون ہزار کا لفظ سمجھ نہیں پاتیں۔
پھر خان لالہ 7 کلو پھل کے کارٹن کی قیمت 500 بتاتے ہیں اور خاتون کو لگتا ہے کہ تمام پھلوں کے کارٹن 500 میں مل رہے ہیں اور اس خوش فہمی کا اندازہ خاتون کے چہرے سے باآسانی کیا جاسکتا ہے۔
