گوگل نیوز پر ہمیں فالو کریںرمضان المبارک میں وفاقی دارالحکومت اسلام آباد میں غلاف کعبہ اور اسلامی تبرکات کی نمائش کا انعقاد کیا گیا۔
زیارت کعبہ اگر ممکن نہیں تو زیارت غلاف کعبہ سے ہی آنکھیں خِیرہ کرلیں۔ شہر اقتدار کے نجی مال میں غلاف کعبہ اور اسلامی تبرکات کی نمائش کا انعقاد کیا گیا۔ نمائش میں رکھے گئے تبروکات کے جمالی حسن نے پورے ماحول کو ایمان افروز بنا دیا۔
یہ بھی پڑھیں:
جدہ میں موجود 900 سال قدیم تاریخی مسجد ابو عنبہ کو بحال کر دیا گیا
نمائش میں خانہ کعبہ کا چالیس سال پرانا غلاف ، کعبہ معظمہ کی چابی اور 300 سال پرانے قدیم قرآنی نسخوں سمیت اسلامی نوادرات رکھے گئے۔ ان تبرکات کو دیکھنے شہریوں کی بڑی تعداد پہنچ گئی۔
ماہ صیام میں قدیم قرآنی نسخوں کی زیارت پر شہریوں کے جذبات دیدنی تھے، شرکا کا کہنا تھا کہ یہ تبرکات ہمارے لئے باعث سعادت ہیں، نمائش سے نوجوان نسل کو اسلامی تہذیب سے بہتر شناسائی میں مدد ملے گی۔
