گوگل نیوز پر ہمیں فالو کریںوفاقی حکومت نے پٹرول کی قیمت میں 8 روپے فی لیٹر کمی کا اعلان کر دیا۔
وفاقی وزیر خزانہ اسحاق ڈار نے اگلے پندرہ دن کیلئے پیٹرولیم مصنوعات کی نئی قیمتوں کا اعلان کردیا۔
وزیر خزانہ اسحاق ڈار نے پاکستان ٹیلی ویژن پر نیوز کانفرنس کرتے ہوئے بتایا کہ ڈیزل کی قیمت میں 5 روپے جبکہ پیٹرول کی قیمت میں 8 روپے فی لیٹر کمی کے بعد نئی قیمت 262 روپے فی لیٹر مقرر کی گئی ہے۔
انہوں نے کہا کہ ڈیزل کی قیمت میں 16 مئی کو 30 روپے کمی گئی تھی اور اس بار بھی 5 روپے فی لیٹر کمی کی گئی ہے جس کے بعد نئی قیمت 253 فی لیٹر ہوگی۔
دوسری جانب وزارت خزانہ نے پیٹرولیم مصنوعات کی قیمتوں میں کمی کا نوٹیفکیشن بھی جاری کردیا ہے۔
خیال رہے کہ پیٹرولیم مصنوعات کی قیمتوں کا اطلاق رات 12 بجے سے ہوگا۔
