گوگل نیوز پر ہمیں فالو کریںاسلام آباد: جنگ گروپ کے کہنہ مشق کالم نگار اور سینئر صحافی حامد میر کے بھائی عامر میر اور معروف صحافی عمران شفقت لاپتہ ہوگئے ہیں جنہیں مبینہ طور پر اغواء کر لیا گیا۔
سماجی رابطے کی ویب سائٹ ٹوئٹر پر اپنے پیغام میں اسد علی طور نے کہا کہ عمران شفقت کے اغواء کے بعد ایک اور بری خبر یہ ہے کہ حامد میر کے بھائی لاپتہ ہوگئے۔
پیغام میں معروف صحافی اسد علی طور نے مزید کہا کہ گزشتہ 5 گھنٹوں سے سینئر صحافی عامر میر کا کچھ پتہ نہیں کہ وہ کہاں ہیں۔ انہوں نے عامر میر اور عمران شفقت کی واپسی کیلئے ٹیگز بھی تشکیل دئیے۔
After abduction of @simranshafqat, another terrible news: brother of @HamidMirPAK sahb, Senior Journalist #AmirMir is also missing from last 5 hours.#BringBackImranShafqat #BringBackAmirMir pic.twitter.com/SwZ5Ja5rf0
— Asad Ali Toor (@AsadAToor) August 7, 2021
پاکستان مسلم لیگ (ن) کی نائب صدر مریم نواز کا کہنا ہے کہ ایک ہی دن میں دو صحافیوں کا اغواء نہایت ہی تشویشناک ہے۔ صحافی برادری کی حفاظت ریاست کی ذمہ داری ہے۔
حیرت انگیز طور پر حامد میر نے مریم نواز کے بیان کو ری ٹویٹ کیا جس سے عامر میر کے لاپتہ ہونے کی تصدیق ہوگئی۔ مریم نواز کا کہنا ہے کہ صحافیوں کی حفاظت میں کوتاہی مجرمانہ ہے۔
سابق وزیر اعظم میاں نواز شریف کی صاحبزادی مریم نواز نے کہا کہ تنقید کرنے پر کسی کو غائب کردینا غیر اعلانیہ مارشل لاء ہے۔ کس کس کو چپ کرائیں گے؟ اب تو پورا ملک بول رہا ہے۔ یہ حرکتیں آپ کو کہیں کا نہیں چھوڑیں گی۔
ایک ہی دن میں دو صحافیوں کا اغوا نہایت ہی تشویشناک ہے۔صحافی برادری کی حفاظت ریاست کی ذمہ داری ہے اس میں کوتاہی مجرمانہ ہے۔ تنقید کرنے پر کسی کو غائب کردینا غیر اعلانیہ مارشل لا ہے۔ کس کس کو چپ کرائیں گے؟ اب تو پورا ملک بول رہا ہے۔یہ حرکتیں آپ کو کہیں کا نہیں چھوڑیں گی۔ افسوس! pic.twitter.com/aYWZlK7MJo
— Maryam Nawaz Sharif (@MaryamNSharif) August 7, 2021
سینئر صحافی ابصار عالم کا کہنا ہے کہ آج صبح پاکستان کے دل لاہور سے 2 سینئر صحافیوں عامر میر اور شفقت عمران کو نامعلوم افراد نے اغواء کر لیا، دونوں کو سچی خبریں دینے کا بہت شوق تھا۔
پاکستان کے دل لاہور سے آج صبح دو سینئر صحافیوں عامر میر اور شفقت عمران کو نامعلوم افراد نے اغوا کر لیا۔دونوں کو سچی خبریں دینے کا بہت شوق تھا۔#BringbackImranShafqat #BringBackAmirMir#impunity
— Absar Alam (@AbsarAlamHaider) August 7, 2021
یہ بھی پڑھیں: قومی اسمبلی میں حکومت اور اپوزیشن کا اصل غصہ بجٹ دستاویزات پر تھا۔حامد میر
