گوگل نیوز پر ہمیں فالو کریںامریکا نے دعویٰ کیا ہے کہ شمالی کوریا میں قائم آمرانہ حکومت نے کورونا وائرس پھیلانے پر گولی مارنے کا حکم دیا جبکہ ملک میں وائرس کا ایک بھی کیس رپورٹ نہیں ہوا۔
تفصیلات کے مطابق جنوبی کوریا میں تعینات امریکی فورسز کے کمانڈر کا دعویٰ ہے کہ حکومتِ شمالی کوریا نے ملک بھر میں کورونا وائرس کی روک تھام کیلئے گولی مارنے کا حکم دیا تاکہ چین سے وائرس کے پھیلاؤ کو روکا جائے۔
غیر ملکی میڈیا رپورٹس کے مطابق کورونا وائرس کو روکنے کیلئے شمالی کوریا کی حکومت ملک میں ناقص نظامِ صحت کے باعث ویکسین، حفاظتی کٹس یا ٹیسٹنگ کی بجائے فوجی طاقت کے استعمال پر یقین رکھتی ہے۔
رواں برس کے آغاز سے ہی کورونا وائرس نے چین سے دیگر ممالک میں آمدورفت شروع کی جسے روکنے کیلئے جنوری میں یہ شمالی کوریا نے اپنی بین الاقوامی سرحدیں بند کردیں۔
چین سے وائرس کی آمدورفت روکنے کیلئے شمالی کوریا نے سرحد بند کرتے ہوئے ایمرجنسی نافذ کی۔ جولائی میں نافذ کی جانے والی ایمرجنسی کے تحت وائرس کو بزورِ قوت روک دیا گیا۔
امریکی کمانڈر کے دعووں کے مطابق شمالی کوریا چین سرحد پر 2 کلومیٹر کے دائرے میں بفر زون قائم ہے جہاں خصوصی آپریشنز فورسز کو وائرس روکنے کیلئے متاثرہ افراد کو گولی مارنے کا حکم دیاگیا۔
یہ بھی پڑھیں: پاکستان میں کورونا وائرس سے 3 لاکھ سے زائد افراد متاثر
