معروف عالم دین علامہ شہنشاہ حسین نقوی نے کہا ہے کہ انتشار اور افراتفری کی سیاست کے بجائے عوام کی خدمت کی جائے۔

یہ وقت انتشار اور افراتفری کا نہیں بلکہ یکجا ہوکر قوم اور وطن کی تعمیر و ترقی کا ہے لیکن بدقسمتی یہ ہے کہ حکمران اس فلسفے کے بجائے اپنی سیاست چمکا رہے ہیں اور عوام کو کسی قسم کا کوئی ریلیف نہیں دے پا رہے۔

یہ بھی پڑھیں:

ایک بیان میں معروف عالم دین نے کہا کہ آج مہنگائی اپنے عروج پر ہے اور عوام دو وقت کی روٹی سے محروم ہیں، بجلی کی مسلسل بڑھتی ہوئی قیمتوں نے عوام کو پریشان کر رکھا ہے لیکن ان سب مسائل کے باوجود ہمارے حکمرانوں کے کان پر کسی قسم کی جوں نہیں رینگ پاتی۔

انہوں نے کہا کہ اسی وجہ سے عوام مزید پریشانی اور بدحالی کا شکار ہیں، لہٰذا انہیں چاہئے کہ عوام کی خدمت کو اپنا شعار بنائیں اور اس سے قبل کے مزید پریشانی اور انتشار کی فضا پیدا ہو عوام کو ریلیف دیا جائے۔