آل راؤنڈر ندا ڈار کو پاکستان ویمن ٹیم کی قیادت سونپنے کا فیصلہ

لاہور: بسمہ معروف کے مستعفیٰ ہونے کے بعد پاکستان ویمنز کرکٹ ٹیم کی قیادت آل راؤنڈر ندا ڈار کو سونپنے کا فیصلہ کیا گیا ہے۔

ذرائع کے مطابق بسمہ معروف کے مستعفیٰ ہونے کے بعد پاکستانی آل راؤنڈر ندا ڈار کو قومی ویمنز ٹیم کی کپتانی سونپی جارہی ہے۔ ندا ڈار کیساتھ نوجوان کرکٹر کو نائب کپتان بنایا جائے گا۔

واضح رہے کہ پی سی بی چیئرمین نجم سیٹھی نے پاکستان ویمنز ٹیم کی کپتان بسمہ معروف کا استعفیٰ دو روز قبل قبول کیا تھا۔

یہ بھی پڑھیں:

لاہور قلندرز نے کوئٹہ گلیڈی ایٹرز کو 17 رنز سے ہرا دیا

ٹیم کی قیادت سے استعفیٰ دینے کے بعد بسمہ معروف نے کہا تھا کہ مجھے لگتا ہے کہ اب تبدیلی کی ضرورت ہے، یہ نئی اور نوجوان کپتان کو تیار کرنے کا صحیح وقت ہے۔

سابق کپتان کا کہنا تھا کہ میں ٹیم اور نئی آنے والی کپتان کی ہر طرح سے مدد، رہنمائی اور حمایت کے لیے ہمیشہ حاضر رہوں گی۔