گوگل نیوز پر ہمیں فالو کریںمشہور پاکستانی اداکارہ علیزے شاہ نے ایک نیا تجربہ کرتے ہوئے عربی لڑکوں کے روایتی انداز کو اپنایا۔
علیزے شاہ ان لوگوں میں شامل ہیں جو زندگی میں خوش رہنے کے لیے نت نئے تجربات کرتے ہیں۔ علیزے شاہ اپنی منفرد اسٹائلنگ کے لیے مشہور ہیں مگر اس بار انہوں نے کچھ مزاحیہ کرنے کا انتخاب کیا۔
وائرل تصاویر میں علیزے شاہ کو سفید عربی لباس اور سر پر سفید اور سرخ چیک والا روایتی عربی رومال پہنے دیکھا گیا۔ انہوں نے اس انداز میں سیلفیاں لے کر اپنی انسٹاگرام اسٹوریز پر شیئر کیں۔
کندورہ جسے دشداشہ یا ثوب بھی کہا جاتا ہے، عربی خطے میں ایک تاریخی لباس ہے جس کی جڑیں قبل از اسلام دور تک جاتی ہیں۔
ابتدا میں یہ لباس بدو خانہ بدوشوں کے لیے ایک سادہ اور آرام دہ پہناوا تھا جو آسانی سے پہنا اور اتارا جا سکتا تھا۔ وقت کے ساتھ یہ لباس ترقی کرتا گیا اور آج یہ کویت، قطر، بحرین، متحدہ عرب امارات، اور عمان جیسے خلیجی ممالک کی ثقافتی پہچان بن چکا ہے۔
حالیہ برسوں میں کندورہ نے خلیجی ممالک سے باہر بھی مقبولیت حاصل کی ہے اور بین الاقوامی فیشن میگزینز میں نمایاں ہوتا رہا ہے۔ مشہور شخصیات بھی اسے فیشن کے طور پر اپنا رہی ہیں جس سے متحدہ عرب امارات میں اس کی مانگ میں اضافہ ہوا ہے۔
اس سے قبل علیزے شاہ نے اپنے مداحوں سے اپنی والدہ کی صحت یابی کے لیے دعا کرنے کی درخواست کی تھی اور ایسا لگتا ہے کہ اب وہ بہتر ہو چکی ہیں۔
علیزہ شاہ اکثر اپنے منفرد انداز اور بولڈ تصاویر کی وجہ سے خبروں میں رہتی ہیں۔ حال ہی میں وہ ایک میوزک ویڈیو میں نظر آئیں اور توجہ حاصل کرنے کے لیے اپنی انسٹاگرام پروفائل سے تمام پرانی تصاویر ڈیلیٹ کر دیں۔
