علیزے شاہ نے بلی کندھے پر لاد لی، سوشل میڈیا پر ویڈیو وائرل

پاکستانی شوبز انڈسٹری کی معروف اداکارہ علیزے شاہ نے بلی کندھے پر لاد کر ویڈیو ریکارڈ کروالی جو سوشل میڈیا پر وائرل ہوگئی ہے۔

تفصیلات کے مطابق اداکارہ علیزے شاہ نے گزشتہ روز اپنی ویڈیو سوشل میڈیا پر ڈال دی جس میں انہیں ایک بلی کو اپنے کندھے پر لاد کر لے جاتے ہوئے دیکھا جاسکتا ہے۔

 

View this post on Instagram

 

A post shared by Alizooo (@alizehshahofficial)

گزشتہ 24 گھنٹوں کے دوران علیزے شاہ کی ویڈیو کو 3 لاکھ 92 ہزار سے زائد سوشل میڈیا صارفین نے دیکھ لیا۔ درجنوں مداحوں نے ویڈیو پر کمنٹ کرکے اداکارہ اور بلی کی بھی تعریف کی۔ 

یہ بھی پڑھیں:

عوام کا مینڈیٹ چرایا گیا، نظریں سپریم کورٹ پر ہیں۔شگفتہ اعجاز

واضح رہے کہ اداکارہ علیزے شاہ پاکستانی ڈرامہ انڈسٹری کی صفِ اوّل کی فنکارہ سمجھی جاتی ہیں جن کے ڈراموں میں تانا بانا، عہدِ وفا، سپر اسٹار اور دل موم کا دیا شامل ہیں۔ 

اداکارہ علیزے شاہ نے مختلف ڈراموں اور میوزک ویڈیوز میں اداکاری اور ماڈلنگ کے ذریعے اپنی صلاحیتوں کا لوہا منوایا ہے۔ انسٹاگرام پر اداکارہ کے فالوورز کی تعداد 41لاکھ سے زائد ہے۔

بلی کو کندھے پر لاد کر لے جانے کی ویڈیو کے پس منظر میں پرندوں کے چہچہانے کی آوازیں شامل ہیں۔ کیپشن میں شامل علیزے شاہ کے بیان کے مطابق اداکارہ بلی کو لے کر مارننگ واک پر نکلی تھیں۔