تحریک انصاف کی مقبولیت کھونے کا تاثر دینے والے ناکام ہوگئے۔علی زیدی

اسلام آباد: وفاقی وزیرِ بحری امور علی زیدی نے کہا ہے کہ تحریکِ انصاف کی مقبولیت کھو جانے کا تاثر دینے والے ناکام ہوگئے ہیں، وزیر اعظم کا جلسہ ایسے لوگوں کے منہ پر ایک طمانچے کے مترادف ہے۔

سماجی رابطے کی ویب سائٹ ٹوئٹر پر اپنے پیغام میں وزیرِ بحری امور علی زیدی نے کہا کہ جو لوگ یہ تاثر قائم کرنے کی ناکام کوشش کررہے تھے کہ پی ٹی آئی مقبولیت کھو رہی ہے،وزیر اعظم کے جلسے سے ان کے منہ پر طمانچہ رسید ہوا۔

یہ بھی پڑھیں:

وزیر اعظم نے ائیرپورٹ سکیورٹی فورس کی تنخواہوں میں اضافے کی منظوری دیدی

ٹوئٹر پیغام میں وفاقی وزیر علی زیدی نے کہا کہ ہماری عظیم قوم کے لوگ ملک کو درپیش چیلنجز کو سمجھنے کا شعور رکھتے ہیں جن کا سامنا کرنے کیلئے ایک ایماندار قیادت کی ضرورت ہے جو وزیر اعظم عمران خان ہیں۔ 

A slap on the face of all those unsuccessfully trying to create an impression that @PTIofficial is losing popularity!
The people of our great nation are smart enough to understand that the challenges we face today can only be solved by an honest leader & that is @ImranKhanPTI pic.twitter.com/jIHc1cmJFn

— Ali Haider Zaidi (@AliHZaidiPTI) February 19, 2022

وفاقی وزیر بحری امور علی زیدی نے گزشتہ روز منڈی بہاؤ الدین جلسے میں وزیر اعظم کی تقریر کی ایک مختصر ویڈیو بھی شیئر کی جس میں عوام کا جمِ غفیر عمران خان کی تقریر پر جوش و خروش کا اظہار کرتا نظر آتا ہے۔ 

علی زیدی کی شیئر کی گئی ویڈیو میں وزیر اعظم کہتے ہیں کہ میرے نوجوانو! مجھے بتاؤ کہ اگر آپ نے چوری نہیں کی، تو آپ کو ڈر کس چیز کا ہے؟ آپ کو اس لیے ڈر ہے کہ عمران خان کی کوئی قیمت نہیں۔ اس نے جنرل مشرف کی طرح این آر او نہیں دینا۔

وزیر اعظم عمران خان نے اپوزیشن پر تنقید کرتے ہوئے کہا کہ کیسز آپ کے پرانے ہیں اور این آر او مجھ سے مانگ رہے ہو؟جس طرح جنرل مشرف سے لیا تھا؟ میرا قوم سے وعدہ ہے کہ جب تک ملک کا پیسہ واپس نہیں ہوگا، ان کا پیچھا نہیں چھوڑوں گا۔