گوگل نیوز پر ہمیں فالو کریںمردان: وفاقی وزیر برائے پارلیمانی امور علی محمد خان کے حلقۂ انتخاب میں سوئی گیس کا افتتاح کردیا گیا ہے جبکہ رواں مالی سال کیلئے حکومت نے 1 ارب روپے کا فنڈ بھی منظور کر لیا۔
سماجی رابطے کی ویب سائٹ ٹوئٹر پر اپنے پیغام میں وفاقی وزیرِ پارلیمانی امور علی محمد خان نے کہا کہ میرے حلقۂ انتخاب این اے 22 کے علاقے مسکین آباد گاؤں میں سوئی گیس کا افتتاح کردیا گیا ہے جس کیلئے 1 ارب یعنی 100 کروڑ سے زیادہ کا فنڈ منظور کیا گیا ہے۔
پیغام میں وفاقی وزیر علی محمد خان نے کہا کہ 1 ارب سے زائد کے فنڈز میں این اے 22 کے تمام علاقوں کو گیس فراہم کردی جائے گی جہاں گزشتہ 73 برسوں سے یہ سہولت دستیاب نہیں تھی۔ فنڈز کی منظوری اور گیس کی دستیابی پر وزیرِ اعظم عمران خان کا شکریہ ادا کرتے ہیں۔
NA22 DEVELOPMENT WORKS
یوسی کوٹ
12/9/2020گاؤں مسکین آباد میں سوئ گیس کا افتتاح کر دیا گیا۔ جو اس سال کیلئے 1 ارب یعنی 100 کروڑ سے زیادہ کا فنڈ منظور کیا گیا ہے NA22 کیلئے اس میں تقریباً تمام علاقوں کوگیس فراہم کر دی جائے گی جہاں پچھلے 73 سالوں سے یہ سہولت نہیں۔
شکریہ عمران خان pic.twitter.com/iiRgmUEaGE— Ali Muhammad Khan (@Ali_MuhammadPTI) September 13, 2020
یاد رہے کہ اِس سے قبل وفاقی حکومت نے وزیرِ مملکت برائے پارلیمانی امورعلی محمد خان کے حلقۂ انتخاب میں ترقیاتی کام کیلئے فنڈز کی منظوری دے دی جس پر علی محمد خان نے وزیرِ اعظم کا شکریہ ادا کیا۔
ٹوئٹر پر 10 روز قبل اپنے پیغام میں وزیرِ مملکت برائے پارلیمانی امور علی محمد خان نے کہا کہ میرے حلقۂ انتخاب این 22 کے عوام کیلئے سوئی گیس کی سہولت لانے کیلئے فنڈز کی منظوری دی گئی۔
مزید پڑھیں: حلقۂ انتخاب کیلئے فنڈز منظور، علی محمد خان وزیرِ اعظم کے شکر گزار
