گوگل نیوز پر ہمیں فالو کریںاسلام آباد: وفاقی وزیر برائے پارلیمانی امور علی محمد خان نے اداکارہ صبا قمر اور گلوکار بلال سعید کے اقدام کی مذمت کرتے ہوئے کہا ہے کہ مسجد کو ناچ گانے کیلئے استعمال کرنا قیامت کی نشانی ہے۔
سماجی رابطے کی ویب سائٹ ٹوئٹر پر اپنے پیغام میں وفاقی وزیر علی محمد خان نے کہا کہ مسجد اللہ کا گھر ہے اور عبادت کیلئے ہے نہ کہ ناچ گانے کیلئے، اگر یہ قیامت کی نشانی نہیں تو اور کیا ہے؟
پیغام میں وزیرِ مملکت علی محمد خان نے کہا کہ کیا پستی اور گمراہی کی اور کوئی حد رہ گئی ہےکہ اللہ کے گھر میں ہی اللہ سے بغاوت پر اتر آئیں؟ انہوں نے اللہ تعالیٰ سے دعا کی کہ ہم پر رحم فرمائے۔
مسجد اللہ کا گھر ہے اور عبادت کیلئے ہے نہ کہ ناچ گانے کیلئے۔
اگر یہ قیامت کی نشانی نہیں تو اور کیا ہے ؟
کیا پستی اور گمراہی کی اور کوئ حد رہ گئ ہے کہ اللہ کے گھر میں ہی اللہ سے بغاوت پہ اُتر آئے۔
اللہ ہم پہ رحم فرما !— Ali Muhammad Khan (@Ali_MuhammadPTI) August 8, 2020
یاد رہے کہ اِس سے قبل وزیرِ اعظم کے معاونِ خصوصی برائے سیاسی ابلاغ ڈاکٹر شہباز گِل نے کہا کہ اداکارہ صبا قمر اور گلوکار بلال سعید کی گانے کی شوٹنگ پر دی گئی وضاحتیں جھوٹی ہیں جبکہ اِس عمل کی سزا ہونی چاہئے۔
ٹوئٹر پر اپنے پیغام میں معاونِ خصوصی ڈاکٹر شہباز گِل نے اداکار بلال سعید کی طرف سے دی گئی وضاحت پر ردِ عمل دیتے ہوئے کہا کہ آپ کو خیال کرنا چاہئے تھا اور اب بلال سعید اور صبا قمر صاحبہ جھوٹی وضاحتیں فرما رہے ہیں۔
مزید پڑھیں: صبا قمر اور بلال سعید کی ویڈیو شوٹنگ پر سزا ہونی چاہئے۔شہباز گِل
