گوگل نیوز پر ہمیں فالو کریںوزیر اعلیٰ خیبر پختونخوا علی امین گنڈا پور نے پاکستان تحریک انصاف (پی ٹی آئی) کی صوبائی صدارت سے استعفی دے دیا، جبکہ پارٹی نے استعفیٰ فوری طور پر منظور کرلیا ہے۔
پاکستان تحریک انصاف (پی ٹی آئی) میں عہدوں یا فیلڈنگ کی جاری تبدیلیوں کے ضمن میں سب سے اہم خبر یہ سامنے آئی ہے کہ علی امین خان گنڈا پور نے پی ٹی آئی خیبر پختونخوا کی صدارت سے استعفیٰ دے دیا ہے۔
مشکل وقت میں پی ٹی آئی قیادت ایک بار پھر مولانا فضل الرحمن کے ڈیرے پر پہنچ گئی
سامنے آنے والی تفصیلات کے مطابق وزیر اعلیٰ خیبر پختونخوا نے اپنی جگہ جنید اکبر خان کو پی ٹی آئی خیبر پختونخوا کا نیا صدر نامزد کرنے کے بعد بطور صدر پی ٹی آئی استعفیٰ دے دیا۔
ذرائع کے مطابق علی امین نے پارٹی چیئرمین کو اپنا استعفی بھجوا دیا ہے، جس کے بعد بیرسٹر گوہر نے علی امین کا استعفی فوری طور پر منظور کر کے نوٹیفیکیشن جاری کر دیا۔
واضح رہے کہ بانی تحریک انصاف عمران خان نے گزشتہ ہفتے جنید اکبر خان کو علی امین گنڈا پور کو ہٹا کر خیبر پختونخوا کے صوبائی صدر کے لیے نامزد کیا تھا۔
