گوگل نیوز پر ہمیں فالو کریںالجزائر کی پارلیمنٹ کے ڈپٹی اسپیکر یوسف عجیسہ نے اسرائیل کیخلاف فلسطینیوں کی مسلح حمایت اور مدد کا مطالبہ کیا ہے۔
عجیسہ نے مرکزاطلاعات فلسطین کے ساتھ کو انٹرویو دیتے ہوئے کہا کہ فلسطین کے تمام لوگوں کو بالعموم اور مقبوضہ بیت المقدس کے لوگوں کو بالخصوص مدد فراہم کی جانی چاہیے۔ مسلح مزاحمت کو بھی مدد فراہم کی جانی چاہیے جسے قابض ریاست اور اس کے آباد کاری کے منصوبوں سے لڑنے کے لیے براہ راست حمایت کی ضرورت ہے۔
انہوں نے اس بات پر زور دیا کہ مسئلہ فلسطین کے بارے میں الجزائر کا موقف فلسطین اور ان کے ثابت قدم لوگوں کی حمایت کرتا ہے جو اسرائیلی قابض ریاست کی بربریت کا سامنا کر رہے ہیں۔ انہوں نے مزید کہا کہ ہمیں عرب اور اسلامی دنیا میں اس موقف اور اس کی ہر شکل میں حمایت کی ضرورت ہے۔
انہوں نے مزید کہا کہ الجزائر فلسطینی عوام کے لیے اپنی سرکاری،عوامی اور امدادی حمایت جاری رکھے ہوئے ہے۔ اس امداد کا ایک بڑا حصہ القدس، پناہ گزینوں اور غزہ کی پٹی کے لوگوں کی مدد کے لیے مختص کرتا ہے، جو 17 سال سے اسرائیلی ریاست کے محاصرے میں ہے۔
انہوں نے فلسطین کے تمام عوام کو القدس، غزہ کی پٹی، پناہ گزین کیمپوں، مغربی کنارے کے شہروں اور دیہاتوں تک پہنچنے کے لیے عرب اور اسلامی مدد فراہم کرنے کی ضرورت پر زور دیا۔
الجزائری پارلیمنٹ کے ڈپٹی اسپیکر نے کہا کہ غزہ کی پٹی بہت زیادہ ناانصافی اور غیر اخلاقی اور غیر انسانی ناکہ بندی کا شکار ہے۔
انہوں نے فلسطینی عوام کی براہ راست حمایت اور اس میں اسلامی اور عرب مقدسات کے دفاع کے لیے کام کرنے کی اہمیت پر زور دیتے ہوئے کہا کہ مسلح فلسطینی مزاحمت کو اسلامی دنیا کی طرف سے مدد ملنی چاہیے۔
انہوں نے مزید کہا کہ فلسطینی عوام جو اپنی سرزمین، اپنی آزادی اور قوم کے مقدسات کے لیے لڑ رہے ہیں، اس قوم کے دفاع میں سب سے آگے ہیں، انہیں ہر طرح کی حمایت کی ضرورت ہے۔
