آئمہ بیگ اور شہباز شگری نے اپنی راہیں جدا کرلیں

کراچی: پاکستان کی خوبصورت و معروف گلوکارہ آئمہ بیگ اور شہباز شگری کی راہیں جُدا ہوگئیں، دونوں نے ایک دوسرے کو سوشل میڈیا پر اَن فالو کردیا۔

حال ہی میں سوشل میڈیا پر آئمہ بیگ کے حوالے سے اس قسم کی خبریں گردش کررہی ہیں کہ انہوں نے شہباز شگری سے منگنی ختم کردی ہے، یہاں تک کہ دونوں نے ایک دوسرے کو فوٹو اینڈ ویڈیو شیئرنگ ایپ انسٹاگرام سے اَن فالو بھی کردیا اور ایک دوسرے کے ساتھ جتنی بھی تصاویر تھیں انھیں بھی ڈیلیٹ کردیا۔

یہ بھی پڑھیں:

کورلش عثمان کی مالہن خاتون کس ترک اداکار سے شادی کررہی ہیں؟

واضح رہے کہ کئی سالوں کی گہری دوستی کے بعد گزشتہ برس پروڈیوسر واداکار شہباز شگری کے ساتھ منگنی کرنے والی گلوکارہ آئمہ بیگ سوشل میڈیا پر کافی متحرک رہتی ہیں اور گزشتہ دنوں اُن کے لندن کے کنسرٹ کی وجہ سے بھی وہ سوشل میڈیا پر ہاٹ ٹاپک بنی ہوئی تھیں۔

اب گلوکارہ کے حوالے سے یہ خبر سامنے آرہی ہے کہ انہوں نے شہباز شگری سے منگنی ختم کرلی ہے۔ تاہم، اس حوالے سے  دونوں شخصیات  کی جانب سے کوئی بیان سامنے نہیں آیا اور نہ ہی کوئی مصدقہ اطلاعات موصول ہوئیں۔