بیٹی کی پیدائش کے بعد ویرات کوہلی پہلے سے زیادہ مشہور ہوگئے

ممبئی:بیٹی کے والد بننے والے بھارتی کرکٹ ٹیم کے کپتان ویرات کوہلی کی ٹوئٹر پر مقبولیت میں اضافہ ہوگیا۔بھارتی کپتان ویسے بھی کافی مشہور ہیں مگر بیٹی کی پیدائش ان کے لئے نیک شگون ثابت ہوئی۔

مائیکرو بلاگنگ سائٹ ٹوئٹر پر ویرات کوہلی کو 40 ملین صارفین نے فالو کرلیا ہے جس کے بعد ویرات کوہلی پہلے بھارتی کرکٹر بن گئے ہیں جن کے ٹوئٹر پر 40 ملین فالوورز ہیں۔

بھارتی کپتان ویرات کوہلی کے ٹوئٹر اکاؤنٹ کا جائزہ لیا جائے تو اْنہوں نے صرف 64 لوگوں کو اپنے تصدیق شدہ اکاؤنٹ سے فالو کیا ہوا ہے جن میں اْن کے عزیز و اقارب شامل ہیں۔

بھارتی کرکٹر اپنے ٹوئٹر اکاؤنٹ پر کرکٹ سے متعلق پیغامات سمیت مختلف پیغامات جاری کرتے دکھائی دیئے،دوسری جانب اگر ہم ویرات کوہلی کے انسٹاگرام اکاؤنٹ کی بات کریں تو وہاں اْن کے فالوورز کی تعداد 90 اعشاریہ 3 ملین ہے۔

ویرات کوہلی نے انسٹاگرام پر صرف 198 صارفین کق فالو کیا ہوا ہے۔واضح رہے کہ گزشتہ دنوں ویرات کوہلی اور ان کی اہلیہ انوشکا شرما کے ہاں بیٹی کی پیدائش ہوئی۔