اشرف غنی کے فرارکے بعدطالبان کوکابل آنے کی دعوت دی، حامد کرزئی

کابل: افغانستان کے سابق صدرحامد کرزئی کا کہنا ہے کہ سابق افغان صدراشرف غنی کے ملک سے فرارکے بعد طالبان کوکابل آنے کی دعوت دی ہے۔

انہوں نے کہا کہ افغانستان کے بہترمستقبل کے لئے ضروری ہے کہ عالمی برادری افغانستان سے روابط قائم کرے۔

امریکی خبرایجنسی کوانٹرویو میں سابق افغان صدرحامد کرزئی نے کہا کہ طالبان کوکابل بلانے کا مقصد شہرمیں لوٹ مار اورافراتفری کوروکنا تھا۔

سابق صدر نے کہا کہ اشرف غنی کے ملک سے فرارکے بعد سابق وزیردفاع بسم اللہ خان سے رابطہ کیا توانہوں نے افغان صدرسمیت اعلی حکام کے ملک سے جانے کی اطلاع دی اورانہیں بھی افغانستان چھوڑنے کو کہا۔

کابل پولیس چیف بھی ملک چھوڑ کرجانے والوں میں شامل تھے۔سابق افغان صدرکے مطابق اگر اشرف غنی کابل میں رہتے توطالبان کے ساتھ پرامن اقتدار کی منتقلی کا معاہدہ ہوجاتا۔

انہوں نے مزید کہا کہ افغانستان کے بہترمستقبل کے لئے ضروری ہے کہ عالمی برادری افغانستان سے روابط قائم کرے اور برے وقت میں افغانی عوام کا ساتھ دے۔