گوگل نیوز پر ہمیں فالو کریںغیر قانونی مقیم افراد کی اپنے وطن واپسی جاری ہے۔ گزشتہ 24 گھنٹوں کے دوران ساڑھے 4لاکھ افغان شہریوں نے پاکستان چھوڑ دیا۔
تفصیلات کے مطابق گزشتہ روز 1 ہزار 207 افغان شہری اپنے وطن واپس لوٹ گئے، پاکستان چھوڑنے والے غیر قانونی باشندوں کی تعداد 4 لاکھ 53 ہزار نفوس تک جا پہنچی۔
[visual-link-preview encoded=”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”]
حکومت کے اعلان سے قبل بھی کثیر تعداد میں افغان باشندے گرفتاری کے خوف سے افغانستان جاتے رہے ہیں۔ گزشتہ روز جانے والے 1207افغان باشندوں میں خواتین بھی شامل تھیں۔
افغانستان روانہ ہونے والے غیر قانونی تارکینِ وطن میں کل 131 خاندانوں کے 374 مرد، 319 خواتین اور 514 بچے شامل تھے جنہیں 112 گاڑیوں میں افغانستان واپس بھیج دیا گیا۔
رواں ماہ کے دوران پاکستان چھوڑنے والے غیر قانونی مقیم باشندوں کی تعداد 4 لاکھ 53 ہزار 480 ہوگئی اور مزید افغان باشندوں کی وطن واپسی کا سلسلہ تاحال جاری و ساری ہے۔
خیال رہے کہ پاکستان نے افغان شہریوں کی ملک سے بے دخلی کا فیصلہ جن حالات کے پیشِ نظر کیا ان میں اسٹریٹ کرائمز میں اضافہ، بھتہ خوری اور سرحد پار دہشت گردی کے واقعات شامل ہیں۔
حال ہی میں ڈیرہ اسماعیل خان میں دہشت گردی اور شہادتوں پر افغان ناظم الامور کو دفترِ خارجہ طلب کر لیاگیا۔ پاکستان نے افغانستان سے احتجاج کیا۔
سیکریٹری خارجہ نے افغان طالبان حکومت کے ناظم الامور کو دفترِ خارجہ طلب کرکے 12 دسمبر کی ڈیرہ اسماعیل خان دہشت گردی پر شدید احتجاج کیا۔ تحریکِ جہاد پاکستان نے حملے کی ذمہ داری قبول کی تھی۔
