گوگل نیوز پر ہمیں فالو کریںکراچی کی عدالت نے جمعہ کے روز مہاجر قومی موومنٹ (ایم کیو ایم) کے رہنما آفاق احمد کی لانڈھی اور کورنگی میں ٹرک جلانے سے متعلق دونوں مقدمات میں ضمانت منظور کر لی۔
یہ مقدمات انسداد دہشت گردی عدالت میں زیر سماعت تھے، جہاں عدالت نے آفاق احمد کو 1 لاکھ روپے کے ضمانتی مچلکے جمع کرانے کا حکم دیا۔
پولیس نے آفاق احمد کو ٹرک جلانے کے دو مقدمات میں گرفتار کیا تھا۔ پولیس کے مطابق، ان کے خلاف لانڈھی اور عوامی کالونی تھانوں میں دو مقدمات درج تھے، جن میں عدالت نے انہیں ضمانت دے دی۔ضمانت ملنے کے فوراً بعد آفاق احمد کو ایک اور مقدمے میں گرفتار کر لیا گیا۔
وکیل کے مطابق پولیس نے آفاق احمد کو ڈمپر جلانے کے ایک اور مقدمے میں گرفتار کیا ہے۔ ان کا کہنا تھا کہ یہ مقدمہ سرجانی ٹاؤن تھانے میں درج کیا گیا تھا جس میں پولیس نے انہیں دوبارہ حراست میں لے لیا۔
