گوگل نیوز پر ہمیں فالو کریںاسلام آباد: ایشین ڈیولپمنٹ بینک نے پاکستان میں کورونا وائرس کیخلاف ہنگامی ضروریات کو پورا کرنے میں مدد کے لئے 300 ملین ڈالرہنگامی قرض کی منظوری دے دی ہے۔
اس رقم سے اسپتالوں اور طبی عملے کے لئے سامان کی خریداری ، طبی سہولیات کو اپ گریڈ ، صحت سے متعلق کارکنوں کی تربیت ، دور دراز کے سرحدی علاقوں میں امدادی سرگرمیوں کیلئے گاڑیوں و آلات کی خریداری کی جائیگی۔
ایشین ڈیولپمنٹ بینک کاکہنا کہ کورونا وائرس سے پاکستانی عوام کی صحت اور معاشی صورتحال پر انتہائی منفی اثرات مرتب ہوئے ہیں،اس منصوبے سے پاکستان میں صحت عامہ کی صلاحیتوں کو تقویت ملے گی ۔
ایشیائی ترقیاتی بینک کی جانب سے دی جانیوالی مشروط نقد رقم کی منتقلی غریب گھرانوں میں غذائیت کی کمی کوپورا کرنے اور خواتین کے معاشی استحکام کو فروغ دینے میں معاون ثابت ہوگی۔
مزید پڑھیں: اسٹیٹ بینک نے چھوٹے کاروبار کیلئے قرض کی رسک شیئرنگ متعارف کروا دی
