گوگل نیوز پر ہمیں فالو کریںڈرامہ سیریل دھوکا اور پیاری مونا سمیت متعدد ٹی وی ڈراموں میں اداکاری کے جوہر دکھانے والی فنکارہ صنم جنگ کے ہاں دوسری بیٹی کی پیدائش ہوئی ہے۔
فوٹو شیئرنگ پلیٹ فارم انسٹاگرام پر اپنے پیغام میں اداکارہ صنم جنگ نے اتوار کی صبح اپنے مداحوں کو بیٹی کی پیدائش سے آگاہ کرتے ہوئے ننھی بچی کے پاؤں کی تصویر جاری کردی۔
View this post on Instagram
انسٹاگرام پیغام میں اداکارہ صنم جنگ نے کہا کہ بیٹی کی پیدائش آج سے 6روز قبل 22 جولائی کو ہوئی۔ تصویر کے کیپشن میں کہا گیا کہ نوزائدہ بچی کا نام بڑی بہن الایا نے علیزہ رکھا ہے۔
خیال رہے کہ صنم جنگ کی دوسری بیٹی کی پیدائش امریکا کے شہر ہیوسٹن میں ہوئی ہے جہاں آج کل اداکارہ اپنے اہلِ خانہ کے ہمراہ مقیم ہیں۔ تصویر کے کیپشن میں اداکارہ نے مداحوں سے اپنے اہلِ خانہ کو دعاؤں میں یاد رکھنے کی درخواست کی۔
مختلف ٹی وی اداکار اور صنم جنگ کے مداحوں نے بیٹی کی پیدائش پر صنم جنگ اور اہلِ خانہ کو مبارکباد اور دعاؤں سے نوازا ہے جن میں اداکار علی سفینہ بھی شامل ہیں۔ صنم جنگ کی شادی 2016 میں قریبی دوست قسام جعفری سے ہوئی تھی۔
