گوگل نیوز پر ہمیں فالو کریںکراچی پولیس نے معروف اداکار ساجد حسن کے بیٹے سمیت چار دیگر نوجوانوں کو مصطفی عامر قتل کیس کے سلسلے میں گرفتار کر لیا ہے۔
پولیس حکام نے تصدیق کی ہے کہ ساجد حسن کے اہلِ خانہ کو ان کے بیٹے کی گرفتاری سے آگاہ کر دیا گیا ہے۔
مزید یہ کہ گرفتار شدہ افراد میں سے ایک کے قبضے سے منشیات بھی برآمد ہوئی ہیں۔ اس واقعے کے بعد منشیات فروشوں کے خلاف ایک خصوصی کارروائی بھی شروع کر دی گئی ہے۔
اس سے قبل کراچی کے ڈیفنس علاقے میں اغوا کے بعد قتل کیے جانے والے نوجوان مصطفی عامر کیس میں گرفتار ملزمان ارمغان قریشی اور شیراز کے جسمانی ریمانڈ میں مزید پانچ دن کی توسیع کر دی گئی تھی۔
مصطفی عامر کے اغوا اور قتل کیس کی سماعت کراچی کی انسدادِ دہشت گردی عدالت میں ہوئی، جہاں تفتیشی افسر نے گرفتار ملزمان کے 14 روزہ جسمانی ریمانڈ کی درخواست کی۔
عدالت میں تفتیشی افسر نے مؤقف اختیار کیا کہ ملزم ارمغان کے دو ملازمین کے بیانات دفعہ 164 کے تحت ریکارڈ کرنا باقی ہیں جبکہ اس کے گھر سے برآمد ہونے والے اسلحے اور لیپ ٹاپ کی فارنزک جانچ بھی ضروری ہے۔
