گوگل نیوز پر ہمیں فالو کریںاسلام آباد:وطنِ عزیز پاکستان میں 2 لاکھ 48 ہزار افراد کورونا سے صحتیاب ہو گئے جبکہ ملک میں وائرس کے فعال کیسز کی تعداد 25 ہزار رہ گئی ہے۔
مجموعی طور پر 2 لاکھ 48 ہزار 873 افراد اب تک کورونا وائرس سےصحتیاب ہوئے جبکہ وائرس کے فعال کیسز کی مجموعی تعداد 25 ہزار 172 ہے ۔
گزشتہ 24 گھنٹوں کے دوران کورونا وائرس سے صحتیاب ہونے والے افراد کی تعداد 296ہے جبکہ کورونا وائرس کے سب سے زیادہ کیسز سندھ میں ریکارڈ کیے گئے۔
کورونا وائرس کے سب سے زیادہ فعال کیسز کی تصدیق صوبہ پنجاب میں ہوئی۔ پنجاب میں 8 ہزار 486 جبکہ سندھ میں 8 ہزار 256 فعال کیسز کی تصدیق ہوئی۔
پنجاب اور سندھ کے بعد سب سے زیادہ فعال کیسز خیبر پختونخواہ میں پائے جاتے ہیں۔ کے پی کے میں 4 ہزار 6، اسلام آباد میں 2 ہزار 233، بلوچستان میں 1 ہزار 449، آزاد کشمیر میں 396 جبکہ گلگت بلتستان میں 346 فعال کیسز موجود ہیں۔
یاد رہے کہ اِس سے قبل پاکستان میں کورونا وائرس سے 2 لاکھ 80ہزار28 افراد متاثر ہوئے جبکہ وائرس کے باعث جاں بحق ہونے والوں کی تعداد 5ہزار 984 ہو گئی۔
سرکاری اعدادوشمار کے مطابق گزشتہ 24 گھنٹوں کے دوران وائرس کے330نئے کیسز کی تصدیق ہوئی جبکہ وائرس کے باعث 8مزید پاکستانی شہری زندگی کی بازی ہار گئے۔
مزید پڑھیں: پاکستان میں کورونا وائرس کے باعث 5 ہزار 984افراد جاں بحق
