گوگل نیوز پر ہمیں فالو کریںاسلام آباد: وزیراعظم پاکستان نے عمران خان کہا ہے کہ حکومت کسی قسم کی بلیک میلنگ برداشت نہیں کرے گی، احتساب کا عمل جاری رہے گا، اس پر کوئی سمجھوتہ نہیں کیا جائے گا۔
وزیراعظم عمران خان سے ڈاکٹر بابر اعوان کی ملاقات ہوئی جس میں ملکی موجودہ سیاسی صورت حال اور قانونی امور پر تبادلہ خیال کیا گیا، ملاقات میں احتساب کے جاری عمل اور حکومت کے اصلاحاتی ایجنڈے پر بھی غور کیا گیا۔
اس موقع پر وزیراعظم عمران خان نے کہا کہ معاشی حالات کی بہتری کے لئے درست سمت کا تعین ہوچکا ہے۔ملک معاشی صورتحال کی بہتری کیلئے دن رات کام جاری ہے۔
وزیراعظم عمران خان نے کشمیر میں مسلسل لاک ڈاؤن پر اظہار تشویش کیا انہوں نے کہا کہ کشمیری عوام کے حقوق کیلئے سیاسی اور سفارتی کوششیں جاری رکھیں گے۔ بابر اعوان نے کہا کہ ماضی میں حکمرانوں نے ملکی معیشت کی ترقی کیلئے سنجیدگی کا کبھی مظاہرہ نہیں کیا۔
دوسری جانب تحریک انصاف کے رہنما بابر اعوان نے کہا کہ معاشی حالات کی بہتری کے لیے درست سمت کا تعین ہوچکا ہے، ملک کو پہلی بار ترقی کی راہ پر گامزن کیا جارہا ہے۔
ڈاکٹر بابراعوان نے کہا کہ ماضی میں حکمرانوں نے ملکی ترقی کے لیے سنجیدگی کا مظاہرہ کبھی نہیں کیا، احتساب اور شفافیت موجودہ حکومت کی اہم کامیابی ہے، غریب کا تحفظ اور عزت نفس کی خیال حکومتی ترجیح ہے۔
انہوں نے کہا کہ احتساب اور شفافیت موجودہ حکومت کی اہم کامیابی ہے، غریب کا تحفظ اور عزت نفس کا خیال حکومتی ترجیح ہے، ریاست مدینہ کا ماڈل اپنانا بہترین طرز حکمرانی ہے، 50 سال سے مسلط مافیا کے خلاف وزیراعظم نے تاریخی جدوجہد کی ہے۔
