مفتاح اسماعیل دفتر سے نکلیں اور عوام میں جائیں۔عابد شیر علی کی حکومت پر تنقید

پاکستان مسلم لیگ (ن) کے رہنما عابد شیر علی نے وفاقی وزیرِ خزانہ سمیت حکومتی عہدیداروں پر تنقید کرتے ہوئے کہا ہے کہ مفتاح اسماعیل کو دفتر سے نکل کر عوام میں جانا ہوگا۔

تفصیلات کے مطابق مسلم لیگ (ن) کے سیاسی رہنما اپنی ہی حکومت کی کارکردگی سے خوش نہیں۔ وفاقی حکومت پر تنقید کرتے ہوئے رہنما ن لیگ عابد شیر علی نے کہا کہ مفتاح اسماعیل! آپ دفتر سے نکلیں اور عوام میں جائیں۔

یہ بھی پڑھیں:

اے ٹی سی کے بعد سیشن کورٹ سے بھی عمران خان کی ضمانت منظور

حکومت کی کارکردگی کو تنقید کا نشانہ بناتے ہوئے عابد شیر علی نے مزید کہا کہ لوگ ہمیں بد دعائیں دے رہے ہیں۔ عوام کی اتنی ہمت نہیں ہے کہ یوٹیلٹی بل ادا کرسکیں۔ وزیراعظم خدارا عوام دوست پالیسیاں بنائیں۔ 

یہ بھی پڑھیں:

سیلاب کی تباہ کاریوں سے 9 سو سے زائد افراد جاں بحق ہوئے، شیری رحمن

ن لیگی رہنما عابد شیر علی نے وزیر اعظم شہباز شریف سمیت حکومت کی کارکردگی پر عدم اطمینان کا اظہار کرتے ہوئے کہا کہ قوم کو خانہ جنگی کی طرف مت دھکیلیں۔ حکومت کو آئی ایم ایف سے بات کرنا ہوگی، ورنہ ہمارا حلقوں میں جانا مشکل ہوجائے گا۔