گوگل نیوز پر ہمیں فالو کریںمردان: خیبر پختونخواہ کے شہر مردان میں رکنِ صوبائی اسمبلی عبدالسلام آفریدی جو کورونا وائرس سے متاثر ہوگئے تھے، صحتیاب ہو گئے ہیں۔
سماجی رابطے کی ویب سائٹ ٹوئٹر پر خیبر پختونخواہ کے وزیرِ صحت تیمور خان جھگڑا نے رکنِ خیبر پختونخواہ اسمبلی عبدالسلام آفریدی کی صحتیابی کو دن کے آغاز پر ایک اچھی خبر قرار دیا۔
تحریکِ انصاف پشاور کے مطابق رکنِ صوبائی اسمبلی عبدالسلام آفریدی کا علاج کے دوران ٹیسٹ کیا گیا تو وہ منفی آیا جس سے ان کی صحتیابی کی تصدیق ہو گئی۔
اس موقعے پر رکنِ صوبائی اسمبلی عبدالسلام آفریدی نے ایک ویڈیو پیغام بھی جاری کیا جس میں انہوں نے کورونا وائرس سے صحتیاب ہونے پر اللہ کا شکر ادا کیا۔
رکنِ صوبائی اسمبلی نے کہا کہ میں بہت جلد اپنے حلقے اور مردان کے عوام کی خدمت کے لیے ان کے ساتھ ہوں گا۔
A piece of good news to start the day. The recovery of MPA Abdus Salam. https://t.co/LM35hDSXC2
— Taimur Saleem Khan Jhagra (@Jhagra) April 6, 2020
