گوگل نیوز پر ہمیں فالو کریںپاکستان تحریکِ انصاف کے رکنِ قومی اسمبلی عامر لیاقت حسین نے یہ سوال کرتے ہوئے ایک نئی بحث چھیڑ دی ہے کہ قومی کرکٹ ٹیم کے سابق کپتان سرفراز احمد کو بے عزت کرنا تھا تو ساتھ لے کر کیوں گئے؟
سماجی رابطے کی ویب سائٹ ٹوئٹر پر اپنے پیغام میں پی ٹی آئی کے رکنِ قومی اسمبلی عامر لیاقت حسین نے کہا کہ سابق کپتان سرفراز احمد کو بے عزت کرنا تھا تو ساتھ لے کر کیوں گئے اورکسی ایک سابق کپتان کا نام بتائیے جس نے کپتانی چھن جانے کے بعد کھیل کا سامان ساتھی کھلاڑیوں کو پہنچانے کا کام انجام دیا ہو؟
تحریکِ انصاف کے رکنِ اسمبلی عامر لیاقت حسین نے سابق کپتان سرفراز احمد اور پاکستان کرکٹ بورڈ (پی سی بی) کو مخاطب کرتے ہوئے کہا کہ برائے مہربانی میرے سوالوں کا جواب دیتے ہوئے بھارتی مثال نہ دیجئے گا کیونکہ ہمیں بھارت اور اس کی مثالیں پسند نہیں ہیں۔
سابق کپتان سرفراز کو بے عزت کرنا تھاتو لےکر کیوں گئے؟ ایک سابق کپتان کا نام بتائیے جس نے کپتانی چھن جانے کے بعد کھیل کا سامان ساتھی کھلاڑیوں کو پہنچانے کا کام انجام دیا ہو؟ برائے مہربانی بھارتی مثال نہ دیجیے گا ہمیں بھارت پسند ہے نا ان کی مثالیں@SarfarazA_54 @TheRealPCB pic.twitter.com/wWxvoupHDX
— Aamir Liaquat Husain (@AamirLiaquat) August 7, 2020
یاد رہے کہ اِس سے قبل قومی کرکٹ ٹیم کے سابق کپتان سرفراز احمد نے کھیل کے دوران اپنی جھلک دکھا کر مداحوں کے دل جیت لیے جس پر عوام کے مختلف تبصرے جاری رہے، سوشل میڈیا صارفین نے ٹاپ ٹرینڈ بنا دیا۔
کرکٹ ٹیم کے سابق کپتان سرفراز احمد ایک میچ کے دوران ویٹر کی صورت میں حاضر ہوئے اور پچ پر موجود کھلاڑی کیلئے خدمات سرانجام دے کر واپس پویلین لوٹ گئے جس پر سوشل میڈیا صارفین نے گزشتہ روز تبصروں کا ڈھیر لگا دیا۔
مزید پڑھیں: سرفراز احمد کی کھیل کے دوران انٹری، ٹاپ ٹرینڈ بن گیا
