میں شرابی یا نشے کا عادی نہیں۔ عامر لیاقت نے اہلیہ کے الزامات مسترد کردئیے

کراچی: معروف ٹی وی اینکر اور رکنِ قومی اسمبلی عامر لیاقت حسین نے اپنی تیسری اہلیہ کے الزامات مسترد کرتے ہوئے کہا ہے کہ میں شرابی یا نشے کا عادی نہیں ہوں۔

تفصیلات کے مطابق ٹی وی میزبان عامر لیاقت حسین نے میڈیا سے گفتگو کرتے ہوئے کہا کہ یہ سچ نہیں ہے کہ میں نشے کا عادی یا شرابی ہوں۔ کیا آپ یقین کرسکتے ہیں کہ میں شراب پی سکتا ہوں؟ منشیات کے استعمال کے الزامات بھی درست نہیں۔

یہ بھی پڑھیں:

نازیبا ویڈیوز بنوانے پر مجبور کیا گیا، عامر لیاقت پر تیسری اہلیہ کا الزام

واضح رہے کہ اس سے قبل عامر لیاقت حسین کی تیسری اہلیہ دانیہ شاہ نے تنسیخِ نکاح کا دعویٰ دائر کرتے ہوئے عدالت سے رجوع کیا تھا جس کے بعد عدالت نے پی ٹی آئی کے منحرفِ رکنِ اسمبلی عامر لیاقت کو نوٹس جاری کردیا۔

مزید واضح رہے کہ عامر لیاقت حسین کی تیسری اہلیہ نے عدالت کو دی گئی درخواست میں دعویٰ کیا کہ عامر لیاقت حسین آئس کا نشہ کرتے ہیں۔ وہ ویسے نہیں جیسے نظر آتے ہیں۔ دانیہ شاہ کا کہنا تھا کہ شادی کے چار ماہ اذیت ناک تھے۔

خیال رہے کہ اس سے قبل عامر لیاقت حسین نے اپنی تیسری اہلیہ کے الزامات کا ٹوئٹر پر جواب دیتے ہوئے کہا کہ بہت مجبور ہو کر 5 فیصد حصہ نوٹس کے ساتھ جاری کررہا ہوں۔ آپ کو خود ان آڈیو میسجز کو سمجھنا ہوگا تاکہ کاموں کا اندازہ ہوجائے۔

https://twitter.com/AamirLiaquat/status/1522931884346548225

اپنے ایک اور ٹوئٹر پیغام میں عامر لیاقت حسین نے کہا کہ نشہ کر کے تشدد کرنے والے ظالم شوہہر پرتنسیخ نکاح کے دعوے سے ایک روز قبل یہ مظلوم لڑکی اپنے شوہر کو بہاولپور بلا رہی تھی کہ آکر لے جائے۔ تفصیلات فیس بک اور انسٹاگرام پر ہیں۔ 

نشہ کر کے تشدد کرنے والے ظالم شوہہر پرتنسیخ نکاح کے دعوے سے ایک روز قبلُ یہ مظلوم لڑکی اپنے شوہر کو پہاولپور بلاُُرہی تھی کہ آکر لے جائے مکمل تفصیلات فیس بک اور انسٹا پر ہیں انسٹا پرہیں بہت مجبور ہو کر گھٹیا الزامات کے جواب کی خاطر گھر کا سچ بتا رہا ہوں معذرت چاہتا ہوں pic.twitter.com/THwiwCtXmY

— Aamir Liaquat Husain (@AamirLiaquat) May 7, 2022

اس سے قبل عامر لیاقت حسین نے اپنا نکاح نامہ ٹوئٹر پر شیئر کرتے ہوئے کہا کہ گیارہ کروڑ روپے حق مہر کی حقیقت یہ ہے۔ یا اللہ ان جھوٹوں کو معاف نہ کرنا، یہ نکاح جیسے بندھن کی شرائط میں نکاح سے قبل پڑھی جانے والی آیت کے جزو کی توہین کررہے ہیں۔ حق مہر دو لاکھ پچاس ہزار تمام بیویوں کا یکساں تھا۔ 

گیارہ کروڑ روپے حق مہر کی حقیقت

یا االلہ ان کاذبوں کو معاف نہ فرمانا یہ نکاح جیسے بندھن کی شرائط میں نکاح سے قبل پڑھی جانے والی آیت کے جزو کی توہین کررہے ہیُں ( معاذ اللہ) سیدھی اور سچی بات کیا کرو!! مہر لکھا ہے دو لاکھ پچاس ہزار جو تمام بیویوں کا یکساں تھا#aamirliaquat pic.twitter.com/QWnsEvGhoD

— Aamir Liaquat Husain (@AamirLiaquat) May 7, 2022