بالی ووڈ کے مسٹر پرفیکٹ نے سوشل میڈیا کو خیرباد کہہ دیا

ممبئی: بالی ووڈ کے معروف اداکار اور فلم انڈسٹری میں مسٹر پرفیکٹ کے نام سے مشہور عامر خان نے سوشل میڈیا کو خیرباد کہہ دیا۔

سماجی رابطوں کی ویب سائٹ ٹوئٹر پر اپنی 56ویں سالگرہ کے اگلے ہی دن ایک پوسٹ میں بالی ووڈ کے سپر اسٹار عامر خان نے سب سے پہلے مداحوں کا شکریہ ادا کرتے ہوئے لکھا ’’میری سالگرہ پر نیک تمناؤں کا اظہار کرنے اور محبتوں کا شکریہ‘‘۔ اور ساتھ ہی مذکورہ پیغام بھی لکھا ہے۔

pic.twitter.com/8zPwlB5uO0

— Aamir Khan (@aamir_khan) March 15, 2021

بولی وڈ اداکار عامر خان نے سوشل میڈیا کو خیرباد کہنے سے متعلق اپنی پوسٹ سماجی رابطے کی ویب سائٹ ٹوئٹر ، فیس بک اور فوٹو اینڈ ویڈیو شیئرنگ ایپ انسٹاگرام پر شیئر کی۔

عامر خان نے اپنی پوسٹ میں لکھا کہ ‘میری سالگرہ پر اتنی محبت اور گرمجوشی کا اظہار کرنے پر آپ سب کا شکریہ’۔

مسٹر پرفیکشنسٹ نے کہا کہ دوسری خبر یہ ہے کہ ‘یہ سوشل میڈیا پر آخری پوسٹ ہے’۔

 

View this post on Instagram

 

A post shared by @akppl_official

انہوں نے کہا کہ میں سوشل میڈیا پر بہت زیادہ فعال رہتا ہوں بہرحال میں نے دکھاوا چھوڑنے کا فیصلہ کیا ہے۔

عامر خان نے مزید کہا کہ ہم رابطہ رکھیں گے جیسے ہم پہلے رکھتے تھے۔

تاہم انہوں نے مداحوں کو بتایا کہ وہ ان کے پروڈکشن ہاؤس، عامر خان پروڈکشنز کے آفیشل ٹوئٹر ہینڈل کو فالو کرسکتے ہیں۔

یہ بھی پڑھیں : میشاء شفیع نے اپنے متعلق چلنے والی خبروں کو بے بنیاد قرار دے دیا

عامر خان نے اپنی پوسٹ میں لکھا کہ عامر خان پروڈکشن نے اپنا آفیشل چینل بنالیا ہے لہذا میری اور میری فلموں سے متعلق مستقبل کی اپ ڈیٹس یہاں مل سکتی ہیں۔

انہوں نے بتایا کہ عامر خان پروڈکشن کا آفیشل ٹوئٹر ہینڈل AKPPL_Official@ ہے۔

خیال رہے کہ عامر خان کے انسٹاگرام اور ٹوئٹر پر ویریفائیڈ اکاؤنٹس موجود ہیں اور ان کے فالوورز کی تعداد بھی کافی زیادہ ہے۔

ٹوئٹر پر عامر خان کے فالوورز کی تعداد 2 کروڑ 67 لاکھ جبکہ انسٹاگرام پر 36 لاکھ فالوورز ہیں۔

عامر خان کی آخری سوشل میڈیا پوسٹ کو 5 گھنٹے میں ٹوئٹر پر 18 ہزار سے زائد مرتبہ لائیک جبکہ ایک ہزار 502 مرتبہ ری ٹوئٹ کیا گیا۔

انسٹاگرام پر عامر خان کی آخری پوسٹ کو اب تک لاکھوں کی تعداد میں لائیک کیا جاچکا ہے۔