گوگل نیوز پر ہمیں فالو کریںسعودی عرب میں جنگلی حیاتیات کی افزائش کے قومی مرکز نے کہا ہے کہ مکہ مکرمہ کے پہاڑوں میں عجیب و غریب جانور کو گھومتے دیکھا گیا ہے۔
العربیہ نیٹ کے مطابق سوشل میڈیا پر ایک ویڈیو وائرل ہے جس میں مکہ مکرمہ کے خندمہ پہاڑ میں ایک جانور گھومتا ہوا نظر آرہا ہے۔ اس کے نقوش عجیب و غریب قسم کے ہیں۔
جنگلی حیاتیات کی افزائش کے قومی مرکز نے کہا کہ ویڈیو میں جو جانور نظر آرہا ہے وہ (الوبر الصخری) ’پہاڑی خرگوش‘ سے ملتا جلتا ہے۔
اس جانور کی چونچ نہیں ہوتی۔ اس کے دو چھوٹے چھوٹے کان ہوتے ہیں اور کھال گہرے بھورے رنگ کی ہوتی ہے۔
یہ جانورپودوں، غلہ جات اور پھلوں سے غذا حاصل کرتا ہے۔ خشک سالی کے دوران معمولی خوراک پر گزارا کرتا ہے۔ اونچے پہاڑی علاقوں میں رہتا ہے۔ جس کے باعث درندوں سے محفوظ رہتا ہے۔
