گوگل نیوز پر ہمیں فالو کریںعدالتی بیلف نے پولیس کے نجی ٹارچر سیل اور نجی عقوبت خانے پر چھاپا مار کر غیر قانونی حراست میں اذیت بھگتنے والے 3 افراد کو بازیاب کروا لیا۔
عدالتی بیلف کے مطابق زنجیروں میں جکڑے 3 افراد کو غیر قانونی قید میں رکھا گیا تھا۔ واقعہ پنجاب کے شہر حافظ آباد میں پیش آیا۔ عدالتی بیلف کی کارروائی کے دوران مغوی افراد کو بازیاب کروالیا گیا۔
کارروائی کے بعد اپنے بیان میں عدالتی بیلف نے کہا کہ ہمیں اطلاع ملی تھی کہ پولیس چوکی کوٹ نکہ نے 3 افراد کو قید کر رکھا ہے جس پر ہم نے یہاں چھاپا مارا، جس کے دوران غیر قانونی حراست میں موجود تینوں شہریوں کو بازیاب کروا لیا۔
عدالتی بیلف نے مزید بتایا کہ تینوں شہریوں کے خلاف پولیس نے کوئی گرفتاری نہیں ڈالی تھی۔ انہوں نے عندیہ دیا کہ پولیس کوٹ نکہ کی غیر قانونی حراست سے بازیاب ہونے والے افراد کوعدالت میں پیش کیا جائے گا۔
