گوگل نیوز پر ہمیں فالو کریںتصور کریں کہ آپ دنیا کے کسی بھی مکڈونلڈز میں جائیں اور آپ کو وہاں کچھ بھی کھانے پر ایک بھی روپیہ ادا نہ کرنا پڑے۔
ہم میں سے اکثر کے لیے یہ ایک خواب ہے لیکن دنیا کی امیر ترین شخصیات میں سے ایک بل گیٹس کے لیے یہ حقیقت ہے۔
موقر آج کی رپورٹ کے مطابق وارن بفٹ بھی دنیا کی ان امیر ترین شخصیات میں سے ایک ہیں جنہوں نے ایک حالیہ انٹرویو میں بل گیٹس سے متعلق اس دلچسپ حقیقت کا انکشاف کیا۔
امریکی نیوز چینل ”سی این بی سی“ کو انٹرویو کے دوران معروف سرمایہ کار نے بتایا کہ گولڈ کارڈ کی بدولت وہ اور بل گیٹس مکڈونلڈز میں ساری زندگی مفت کھانا کھا سکتے ہیں۔
اپنی دانشمندی اور مالی ذہانت کے لیے مشہور وارن نے بتایا کہ ان کے پاس خود مکڈونلڈز کا ایک خاص کارڈ ہے۔ یہ کارڈ انہیں امریکہ کے ایک شہر اوماہا میں واقع کسی بھی مک ڈونلڈز میں زندگی بھر کیلئے مفت کھانا حاصل کرنے کی سہولت فراہم کرتا ہے۔
وارن نے انٹرویو کے دوران اتفاق سے انکشاف کیا کہ بل گیٹس کے پاس بھی ایسا ہی کارڈ ہے، لیکن وہ دنیا بھر میں کسی بھی مک ڈونلڈز میں کام آتا ہے۔
بل گیٹس، مائیکروسافٹ کے شریک بانی اور دنیا کے امیر ترین آدمیوں میں سے ایک ہیں، اس کے باوجود وہ مکڈونلڈز میں جہاں بھی جائیں مفت کھا سکتے ہیں۔
وارن نے بتایا کہ اس طرح کے کارڈز چند ہی ہیں لیکن جو بل گیٹس کے پاس ہے صرف وہی سب سے بہترین ہے۔ وارن نے ان کارڈز کی خصوصیت کے بارے میں کہا کہ صدر کلنٹن ایک بار ایک کارڈ چاہتے تھے لیکن انہیں یہ کبھی نہیں ملا۔
