گوگل نیوز پر ہمیں فالو کریںکراچی میں ایک خاتون نے مبینہ طور پر ناظم آباد کے پل سے چھلانگ لگا دی ہے۔ واقعے کے بعد عوام کی بڑی تعداد جائے وقوعہ پر جمع ہوگئی۔
تفصیلات کے مطابق شہرِ قائد کے علاقے ناظم آباد میں پیش آنے والے افسوسناک واقعے کے نتیجے میں چھلانگ لگانے والی خاتون کو کمر پر چوٹ آئی، خاتون کو ہسپتال منتقل کردیا گیا ہے۔
چھ سالہ بھانجی پر جنسی تشدد، ماموں کیخلاف مقدمہ درج
عینی شاہدین کا کہنا ہے کہ مبینہ طور پر حالات سے دلبرداشتہ خاتون پل سے جنگلے پر چڑھی، ادھر ادھر دیکھا، آنکھیں بند کیں اور چھلانگ لگا دی۔ واقعہ آج صبح کے وقت ناظم آباد میں پیش آیا۔
عوام کا کہنا ہے کہ پل سے گرنے پر خاتون کی کمر میں شدید چوٹ آئی۔ حکام کے مطابق خاتون کا نام کرن ہے اور وہ شادی شدہ ہیں۔شوہر کا نام ارشد ہے۔چھلانگ لگانے کے وقت لواحقین میں سے کوئی ان کے ساتھ نہیں تھا۔
ہسپتال منتقلی کے بعد خاتون کو طبی امداد دی جارہی ہے۔ کراچی پولیس نے بھی جائے وقوعہ پر پہنچنے کے بعد واقعے کی تفتیش شروع کردی۔ خاتون کو ہسپتال چھیپا ایمبولینس نے پہنچایا۔
