گوگل نیوز پر ہمیں فالو کریںامریکی خاتون سوشل میڈیا انفلوئنسر ایشلے سینٹ کلیئر نے دعویٰ کیا ہے کہ انھوں نے پانچ ماہ قبل امریکی ارب پتی ایلون مسک کے بچے کو جنم دیا ہے۔
یہ دعویٰ گزشتہ دن ایلون مسک کے ملکیتی سماجی رابطوں کے پلیٹ فارم “ایکس” پر ایشلے کے اکاؤنٹ سے ہونے والی ایک پوسٹ میں سامنے آیا ہے۔
پوسٹ میں 31 سالہ نوجوان خاتون نے لکھا کہ پانچ ماہ قبل میں نے ایک بچے کا دنیا میں خیر مقدم کیا جس کا باپ ایلون مسک ہے۔
ایشلے کے مطابق اس نے پہلے یہ انکشاف نہیں کیا تھا جس کا مقصد شیر خوار بچے کی سلامتی کو یقینی بنانا تھا۔
ایشلے نے باور کرایا کہ وہ ایک محفوظ ماحول میں اس بچے کی پرورش کا ارادہ رکھتی ہیں۔ انفلوئنسر نے میڈیا سے درخواست کی ہے کہ وہ اس کے موقف کا احترام کرے۔
دوسری جانب ایلون مسک نے اس خبر پر کوئی تبصرہ نہیں کیا ہے۔ ایلون خود بھی “ایکس” پلیٹ فارم پر ایشلے کے فالوور ہیں۔
یاد رہے کہ ایلون مسک کے چار مختلف خواتین سے 12 بچے ہیں۔ اگر ایشلے کا دعویٰ درست ہوا تو اب ایلون کے 13 بچے ہو جائیں گے۔
