گوگل نیوز پر ہمیں فالو کریںکراچی: صدر مملکت ڈاکٹر عارف علوی نے اسکول اور کالج کی سطح پر نوجوان نسل میں اخلاقیات کو فروغ دینے پر زور دیتے ہوئے کہا ہے کہ اس ضمن میں والدین اور اساتذہ کا کردارکلیدی ہے۔
انہوں نے ان خیالات کا اظہار صدر عارف علوی نے سینٹ جوزف کانونٹ اسکول کراچی کے وفد کے ساتھ ملاقات کے دوران گفتگو کرتے ہوئے کیا۔
وفد کی قیادت اسکول کی پرنسپل سینئر الزبتھ نیامت نے کی۔ مشنری اسکولوں کی 1862 سے خدمات اور کامیابیوں کو سراہتے ہوئے صدر مملکت نے کہا کہ سینٹ جوزف کانونٹ اسکول کراچی کی عمارت، جسے قومی ورثہ قرار دیا گیا ہے، کو محفوظ کیا جائے گا۔
صدر مملکت نے کہا کہ کورونا وبا ہمارے لئے ایک بڑا چیلنج ہے لیکن اس نے کچھ مواقع بھی پیدا کئے ، کیونکہ اس نے انفارمیشن ٹیکنالوجی اور کمیونیکیشن کے جدید ٹولز کو استعمال کرنے پر مجبور کیا جس سے تعلیمی شعبے میں آن لائن کلاسوں کی راہ ہموار ہوئی۔
اس موقع پر خاتون اول بیگم ثمینہ عارف علوی نے کالج انتظامیہ پر زور دیا کہ وہ نوجوان لڑکیوں میں بریسٹ کینسر کے بارے میں آگاہی پروگرام منعقد کریں۔
یہ بھی پڑھیں : وائی ڈی اے سندھ ڈیموکریٹس کا تمام ٹرشری اسپتالوں میں اپنے مطالبات کے حق میں احتجاج
