کرس گیل نے انڈین پریمیئر لیگ (آئی پی ایل) کو خیر باد کہہ دیا

لندن: ویسٹ انڈین اسٹار کرس گیل بائیو سیکیور ببل سے تنگ آگئے، مایہ ناز بلے باز نے انڈین پریمیئر لیگ(آئی پی ایل) کے رواں سیزن کو چھوڑ نے کا فیصلہ کرلیا۔

بین الاقوامی میڈیا کا اس حوالے سے کہنا ہے کہ ویسٹ انڈیز سے تعلق رکھنے والے جارح مزاج بلے بازکرس گیل رواں آئی پی ایل سیزن میں مزید حصہ نہیں لیں گے۔

BREAKING: Chris Gayle leaves the IPL bio-bubble due to bubble fatigue.

He expressed a desire to mentally refresh himself for the T20 World Cup. pic.twitter.com/GIQC9hQTCg

— ESPNcricinfo (@ESPNcricinfo) September 30, 2021

تاہم بلے باز نے اپنے فیصلے سے متعلق کہا ہے کہ گزشتہ چند ماہ سے ایک کے بعد دوسرے ببل کا حصہ بنا ہوں اور ٹی ٹوئنٹی ورلڈ کپ سے قبل ذہنی طور پر ترو تازہ ہونا چاہتا ہوں، اس لیے بائیو سیکیور ببل سے بریک لے رہا ہوں۔

واضح رہے کہ طوفانی بلے بازکرس گیل آئی پی ایل میں پنجاب کنگز کی نمائندگی کررہے تھے۔جبکہ آئی پی ایل میں پنجاب کنگز کو انہوں نے متعدد بار فتوحات سے ہمکنار کرایا ہے۔ مگر اب وہ اس ٹیم کا حصہ نہیں ہوں گے۔